Малопродажната цена на дизелот се намалува за два и пол денари, а цените на бензините остануваат исти, соопшти денеска Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) откако донесе одлука за намалување на малопродажните цени на нафтените деривати во просек за 1,4 отсто во однос на одлуката од 23 јуни годинава.
Оваа одлука следува по намалувањето на референтните цени на нафтените деривати на светскиот пазар во споредба со претходната пресметка, и тоа кај бензините во просек за 3,613 отсто, а кај дизелот намалувањето е во просек за 5,146 проценти.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,0856 проценти.
Впрочем од утре односно од ноќеска по полноќ максималните цени на моторниот бензин - еуросупер БС 95 ќе бидат 77,5 денари за литар, а суперот од 98 октани ќе чини 79,5 денари за литар. Дизел горивото ќе се продава за 70,5 денари за литар, а литар масло за горење - екстра-лесно ќе чини 72 денари. Цената на мазутот ќе биде 40,188 денари за килограм односно се намалува за 1,499 денари за килограм.
Регулаторната комисија ги намалува цените на дизелот откако минатата недела трипати ги ревидираше нагоре. Тие одлуки следуваа по растот на цената на нафтата на светската берза.
Прочитајте детали овде:
Ново поскапување на дизелот, почна растот и кај бензините
РКЕ вонредно ги зголеми цените на дизелот и маслото за горење
.webp){kind=icon}
Во моментов нема коментари за веста. Биди прв да коментира...