Биткоинот се искачи на највисоко ниво од почетокот на мај, поттикнат од криптоиницијативи во кои се вклучени главните играчи од традиционалниот финансиски сектор.
Највредното дигитално средство порасна за цели три проценти и се тргуваше за 28.720 долари во средата, во 11.10 часот, во Сингапур, зголемувајќи го годишното закрепнување на токенот до 74 проценти. Помалите токени, како што се етер, кардано и солана, исто така забележаа добивки.
Криптоинвеститорите забележаа пораст од лансирањето на новата берза на дигитални средства ЕДХ (EDX Markets), поддржана од компании како „Ситадел“ (Citadel Securities), „Фиделити“ (Fidelity Digital Assets) и „Чарлс Шваб“ (Charles Schwab Corp). Одделно, „Блекрок“ (BlackRock Inc.) и „Виздомтри“ (WisdomTree Inc.) се подготвуваат да лансираат американски биткоин ЕТФ (фондови со кои се тргува на берза).
Прочитај повеќе
„Бајненс“ и регулаторот во САД бараат решение за да се избегне замрзнување на имотот
„Бајненс“ и Комисијата за хартии од вредност на САД се согласија да работат на договор со кој ќе се избегне замрзнување на средствата на платформата.
14.06.2023
Извршниот директор на „Коинбејс“: Кина ќе ги надмине САД во криптосферата
Брајан Армстронг верува дека Кина ќе има корист од рестриктивната политика на САД кон криптосредствата.
07.06.2023
Тужбата за „Бајненс“ во САД пука директно во срцето на болниот криптосектор
Тужбата против криптоберзата „Бајненс“ и нејзиниот шеф Чангпенг Жао внесува нова несигурност во секторот.
06.06.2023
Bloomberg
Ваквите потези внесоа малку светлина во секторот, по притисокот од Комисијата за хартии од вредност (SEC) врз криптоиндустријата, со тужбите против берзите „Бајненс“ (Binance Holdings Ltd.) и „Коинбејс“ (Coinbase Global Inc). Во тој процес, агенцијата означи многу дигитални токени како нерегистрирани хартии од вредност.
„Растот е поддржан од побарувачката од институционалните инвеститори“, рече Хајден Хјуз, коосновач на платформата за тргување „Алфа импакт“ (Alpha Impact). „Објавата на ’Блекрок’ за биткоин ЕТФ, плус ЕДХ, му даде поттик на биткоинот во надежите дека традиционалните институции ќе додадат длабочина на пазарот на крипто“.
Предизвици со комисијата
„Виздомтри“ повторно се обидува да добие дозвола за лансирање на американски ЕТФ за биткоин за спот-тргување, откако претходно беше одбиен. „Блекрок“ ја поднесе својата пријава на 15 јуни. Комисијата се спротивстави да дозволи такви спот-средства, но обидот на „Блекрок“ има одредена тежина, бидејќи е најголемиот менаџер на средства во светот и ужива добра репутација.
„Однесувањето на ’Блекрок’ промени сè, што повторно го поттикна растот“, рече Ерик Балчунас, висок аналитичар за ЕТФ во „Блумберг интелиџенс“.
Bloomberg
Во меѓувреме, во Европа, „Дојче банк“ (Deutsche Bank AG) аплицираше за регулаторна лиценца за управување со услуга за чување дигитални средства.
„Многу е малку веројатно дека тие би го направиле ова ако прво не добијат доволно интерес од своите големи клиенти“, напиша Ноел Ачесон, авторка на билтенот „Крипто е сега макро“ (Crypto Is Macro Now).
Пазарот е исто така подложен на макроекономски притисоци, вклучувајќи ги и шансите за дополнително затегнување на монетарната политика во САД, откако Федералните резерви (ФЕД) ги паузираа зголемувањата на каматните стапки овој месец. Некои набљудувачи очекуваат остар тон од претседателот на ФЕД, Џером Пауел, во претстојното претставување на извештајот пред Конгресот.
.webp){kind=icon}
Во моментов нема коментари за веста. Биди прв да коментира...