Најголемата американска криптоберза би можела да стане жртва на падот на биткоинот и намалениот ентузијазам за фондовите со кои се тргува преку берза (ЕТФ), а кои инвестираат директно во овој дигитален токен, проценува „ЏП Морган“ (JPMorgan Chase & Co).
„Сметаме дека катализаторот во биткоин ЕТФ што го исфрли екосистемот од зимата ќе ги разочара учесниците на пазарот“, напишаа аналитичарите предводени од Кенет Вортингтон во белешка во понеделникот, намалувајќи го рејтингот на „Коинбејс“ (Coinbase Global Inc.) на underweight (термин што се однесува на верувањето дека акциите на компанијата ќе генерираат потпросечен принос во споредба со одредена референтна вредност, н.з.) од neutral (терминот означува агностичка позиција во однос на движењата на цените, која не е ниту оптимистичка ниту песимистичка).
Акциите на „Коинбејс“ паднаа за 3,1 отсто во вторникот по намалувањето на рејтингот.
Акциите на „Коинбејс“ ослабеа по одлуката за спот биткоин ЕТФ
Bloomberg
Акциите на „Коинбејс“ ја завршија 2023 година со раст од речиси 400 проценти, по порастот на биткоинот. Сепак, по неодамнешното одобрување на спот биткоин ЕТФ фондови од страна на американскиот финансиски регулатор, набљудувачите на пазарот почнаа да се прашуваат дали акциите на компаниите поврзани со крипто ќе можат да ги продолжат своите високи добивки. Акциите на „Коинбејс“ се намалени за 29 отсто досега годинава, додека биткоинот е намален за околу 6,8 отсто и oд неодамна се тргува под 40.000 долари.
„Гледаме поголем потенцијал дека ентузијазмот околу ЕТФ дополнително ќе опаѓа, што води до пониски цени на токенот, помал обем на тргување и послаби дополнителни можности за приходи за компании како 'Коинбејс'“, додаде Вортингтон од „ЏП Морган“. Аналитичарот ја задржа својата целна цена од 80 долари за акциите, предвидувајќи пад на акциите од 38 проценти во следните 12 месеци.
Песимистичкото расположение за „Коинбејс“ расте, при што акцијата има 12 рејтинзи за продажба, осум рејтинзи за купување и осум рејтинзи за задржување, според податоците собрани од „Блумберг“.
.webp){kind=icon}
Во моментов нема коментари за веста. Биди прв да коментира...