text size
Биткоинот е на пат да напредува петти последователен месец, што би било најдолгата победничка низа на токенот од растот во ерата на пандемијата, кој беше „подмачкан“ од лесните пари.
Најголемото дигитално средство порасна за околу 2 отсто во јануари, месец на изразени промени предизвикани од пуштањето во употреба на првите спот биткоин ЕТФ фондови во САД и менувањето на ставовите за изгледите за монетарната политика.
Серијата од пет месечни добивки по ред би била најдолгата уште од шестмесечната низа од октомври 2020 до март 2021 година, според податоците собрани од „Блумберг“. Токенот достигна рекордно високо ниво од речиси 69.000 долари во ноември 2021 година.
Прочитај повеќе
„Блекрок“ меѓу гигантите кои добија одобрение за биткоин ЕТФ фондови
Американските регулатори за првпат одобрија фондови со кои се тргува преку берза, а кои инвестираат директно во биткоин.
11.01.2024
Одобрени се биткоин ЕТФ фондови, пресвртница за криптосредствата
Потег што беше најавен како значаен настан за секторот на дигитални средства вреден околу 1,7 трилион долари.
11.01.2024
Ќе го пробие ли биткоинот плафонот во 2024-та?
Доколку се тргне од тоа како стојат работите на крајот од годината, може да се заклучи дека оваа класа на средства жилаво им одолева на предизвиците.
29.12.2023
Што е преполовување на биткоинот и дали овој феномен ја зголемува цената?
Биткоинот е познат по тоа дека е склон кон ненадејни скокови на цените и брзи промени кои можат да збришат милиони долари во вредност за само неколку минути.
17.12.2023
Сè што треба да знаете за биткоинот откако вредноста надмина 40.000 долари
Биткоинот годинава порасна за повеќе од 140 проценти, надминувајќи ги другите инвестиции, како акции и злато.
04.12.2023
ЕТФ фондовите од издавачи како гигантите „Блекрок“ (BlackRock Inc.) и „Фиделити“ (Fidelity Investments), започнаа со тргување во САД на 11 јануари. Токенот порасна за речиси 160 отсто минатата година, во светло на облозите дека фондовите ќе привлечат нови инвеститори.
Bloomberg
Биткоинот потоа забележа 12-дневен пад од околу 21 отсто, откако средствата влегоа во оптек, додека трговците следеа како функционираат. Еден од производите, Грејскејл биткоин труст (Grayscale Bitcoin Trust), од 21 милијарда долари, премина во ЕТФ на 11 јануари од затворен формат. Инвеститорите повлекоа пари од фондот по промената, но темпото на повлекувања се олади, помагајќи му на токенот да ги врати загубите.
Забавувањето на одливот од фондот Грејскејл е „значително позитивно за расположението на пазарот“, напиша Шон Фарел, шеф на стратегија за дигитални средства во „Фандстрат глобал“ (Fundstrat Global Advisors LLC), во белешка во понеделникот.
Вкупно 10 ЕТФ фондови досега привлекоа милијарда долари нето, покажуваат податоците собрани од „Блумберг“. Групата го имаше најуспешното лансирање на ЕТФ во историјата, врз основа на индикаторите за тргување и проток, според „Блумберг интелиџенс“.
Инвеститорите исто така ја чекаат одлуката за каматната стапка на Федералните резерви (Фед) оваа недела, откако поставија доста изедначени шанси за изгледите за намалување во март. Материјалните промени во таа перспектива би можеле да влијаат на биткоинот и на пошироките криптопазари со оглед на нивната чувствителност на промените во расположението и перцепциите за ликвидноста.
Биткоинот беше малку променет на 43.340 долари од 7 часот наутро во вторникот во Лондон. Помалите токени, како БНБ и кардано, беа со мешани резултати и тргувани во релативно тесен опсег.
.webp){kind=icon}
