Поголемиот дел аналитичари на Волстрит го поддржуваат ставот дека растот на еврото штотуку почнува.
Со падот на цените на енергијата и падот на очекувањата за рецесија во Европа се појавува јасен наратив дека најголемата економска штета веќе е направена. Стратезите на Дојче банк АГ (Deutsche Bank AG) и на Морган Стенли (Morgan Stanley) велат дека еврото може да се зголеми до 1,15 долар од сегашното ниво, кое е седуммесечен максимум од 1,07 долар. Номура интернешнл (Nomura International Plc) предвидува пораст до 1,10 долар до крајот на месецот, додека Герет Гетинби од Аегон асет менаџмент (Aegon Asset Management) изјави дека планира да ја зголеми својата позиција во оваа валута.
„Добивме чудно време, ама вистински чудно кога се во прашање временските услови“, рече Марк Мекормик, стратег за FX во ТД секјуритис, во интервју за телевизијата Блумберг. „Инаку, сите случувања беа многу добра перница еврозоната да може да ја надмине оваа рецесија“.
Bloomberg Mercury
Тоа е драматична промена во расположението во споредба со 2022 година, кога еврото падна на паритет во однос на доларот. Благите температури низ континентот ги тргнаа од маса катастрофалните економски сценарија, давајќи им на инвеститорите доверба да се вратат.
Трендовите надвор од Европа, исто така, одат во поддршка на оваа теза. Многу инвеститори очекуваат слабост на доларот, особено ако инфлацијата во САД омекне и Федералните резерви се приближуваат до крајот на циклусот на затегнување. Брзото темпо на повторното отворање на Кина, исто така, се гледа како ѝ помага на европската економија, бидејќи се олеснуваат прекините во синџирот на снабдување.
„Надолните ризици за еврото се намалуваат со пониските цени на бензинот“, рече Гетинби, менаџер на портфолио во Аегон. „Европските економски изненадувања продолжуваат да се зајакнуваат, додека во САД тие се намалуваат“.
Добивките се широкораспространети низ целиот регион. Индексот Stoxx 600 досега се зголеми за 5 отсто оваа година, а дополнителниот принос што го бараат инвеститорите за задржување на поризичниот долг на Европа паѓа од средината на октомври.
Инаку, сè уште постои загриженост дека Русија би можела да го интензивира нападот во Украина и дека постојано високите цени на енергијата може да го нарушат растот. Посилната инфлација или економските податоци во САД, исто така, би можеле да предизвикаат нов напад на јакнење на доларот на сметка на еврото, доколку ФЕД остане со агресивен став.
За стратезите на ЏП Морган и Чејс, треба сè уште да сме претпазливи во врска со траекторијата на економијата, но тврдат дека Европската централна банка ќе го поддржи еврото.
Пазарите на пари покажуваат дека ЕЦБ ќе затегне за околу 150 базични поени оваа година, додека ФЕД се очекува да зголеми за 60 базични поени. Трговците ќе ги чекаат најновите податоци за инфлацијата во САД в четврток, за дополнителни докази дека ценовните притисоци опаѓаат.
„Парчињата паѓаат на место за поодржлив пад на доларот“, напиша Јоргос Саравелос, шеф на одделот за девизни истражувања во Дојче банк, во белешката во која преовладува неговиот позитивен став за еврото.
„Двата клучни двигатели што го правеа доларот безбедно засолниште - енергетскиот шок во Европа и политиката на нулта ковид на Кина - се свртеа“. додаде тој. „На крајот од краиштата, стожерот на ФЕД е последната алка што недостига“.
.webp){kind=icon}
Во моментов нема коментари за веста. Биди прв да коментира...