.webp){kind=icon}
Доларот ќе остане силен доколку Банката на федерални резерви (Фед) продолжи да ги држи каматните стапки на овие нивоа додека другите земји ги намалуваат трошоците за задолжување, велат аналитичарите на „Голдман Сакс“ (Goldman Sachs Group Inc).
„Ако Фед ги остави каматните стапки таму каде што се, а повеќе земји решат да продолжат со монетарното олеснување и покрај одлуката на американската централна банка, тогаш оваа дивергенција во монетарната политика веројатно ќе го одржи доларот силен понатаму“, велат стратезите предводени од Камакшја Триведи и Џозеф Бригс. Тие очекуваат централните банки на Обединетото Кралство, Канада и на еврозоната да ги намалат каматните стапки во јуни.
Доларот годинава зајакна во однос на другите валути на земјите од Групата 10, а индексот на „Блумберг“ (Bloomberg) што го следи неговото движење напредуваше за речиси три проценти.
Инвеститорите се сомневаат дека Фед двапати ќе ги намали каматните стапки, иако пазарите по објавувањето на априлските податоци за инфлацијата минатата недела сметаа на две намалувања на трошоците за задолжување. Пазарите на своп договори покажуваат дека се очекува Фед да ги намали каматните стапки за 40 базични поени до крајот на годината, а првото намалување од 25 базични поени се очекува на состанокот во ноември.
BBDXY:IND
Bloomberg Dollar Spot
1.247,65 USD
+0,071 +0,01%
почетна цена
1.247,33
претходна цена на затворање
1.247,58
промена од почетокот на годината
2,864806%
дневен опсег
1.246,48 - 1.247,75
опсег на 52 недели
1.197,88 - 1.281,01
Континуираното забавување на инфлацијата во САД во следните 3-5 месеци ќе му овозможи на Фед да размисли за намалување на каматните стапки до крајот на 2024 година, изјави во вторникот функционерот на Фед, Кристофер Валер. Од друга страна, претседателката на Европската централна банка (ЕЦБ), Кристин Лагард, посочи дека намалувањето во јуни е веројатно сценарио бидејќи растот на цените сега во голема мера е под контрола.
„Кога макроекономската и монетарната слика се различни, централните банкари секогаш гледаат на потезите на Фед за намалување на прекумерната нестабилност на девизниот пазар“, пишуваат аналитичарите. Доколку централните банки низ светот почнат да ги намалуваат каматните стапки „порано и поагресивно“ од Банката на федерални резерви, тоа ќе му помогне на Фед да ја доведе инфлацијата во САД до својата цел, додаваат тие.
