text size
Поранешниот претседател на американските Федералните резерви (ФЕД), Алан Гринспен, гледа монетарен „ветер во грб“ за доларот во следната година, дури и во случај креаторите на монетарната политика во САД да ја забават или запрат својата актуелна кампања за зголемување на каматните стапки.
„Дури и ако инфлацијата во САД го достигне врвот во првата половина од 2023 година, како што очекуваат некои аналитичари, и ако Федералните резерви го забават или дури и го запрат темпото на зголемување на стапката, американскиот долар сè уште ќе има монетарен ветер што ќе го поддржува“, вели Гринспен, виш економски советник на „Адвајзорс капитал менаџмент“ (Advisors Capital Management).
„Добивката на доларот е поттикната од сè поострата траекторија на затегнување на монетарната политика од страна на ФЕД во однос на многу конкуренти“, истакна Гринспен. Индексот на „Блумберг“ за вредноста на доларот се зголеми за повеќе од 13 проценти оваа година, при што валутите, вклучувајќи ги јенот, фунтата и еврото, достигнаа повеќедецениско ниско ниво во однос на зелената банкнота.
Прочитај повеќе
Поранешниот претседател на ФЕД очекува раст на доларот и во 2023
Алан Гринспен гледа монетарен „ветер во грб“ за доларот во 2023 година, независно од политиките на ФЕД
02.11.2022
Се очекува ФЕД да ги зголеми каматните стапки за уште 75 базични бодови, веќе четврти пат по ред, со што ќе изнесуваат од 3,75 до 4 отсто, а целта е да ја спречи најжешката инфлација во последните 40 години. Спротивно на тоа, депозитната стапка на Европската централна банка (ЕЦБ) моментално е 1,5 отсто.
„Слонот во просторијата, со оглед на континуираното зајакнување на американскиот долар, во иднина може да резултира со намалување на билансот на состојба на ФЕД од 95 милијарди долари месечно“, вели Гринспен. Креаторите на политиките на ФЕД дозволуваат до 95 милијарди долари месечно од обврзниците на централната банка да достасаат без реинвестирање, потег познат како квантитативно затегнување.
.webp){kind=icon}
