.webp){kind=icon}
Повлекувањето на доларот во последните денови ги подгрева шпекулациите за тоа дали растот на валутата се ближи кон крајот. Сепак, постојат индиции дека е рано да се донесе ваков заклучок.
По порастот од повеќе од 10 отсто годинава, индексот на доларот на Blооmberg се намали за околу 2 отсто во однос на минатонеделниот максимум, и покрај промената во проекциите за тоа колку Федералните резерви (ФЕД) ќе ги зголемат каматните стапки. Сега фокусот е на податоците за инфлацијата во САД, кои ќе бидат објавени подоцна во текот на денов. Иако пониската бројка може да значи корекција на позициите на инвеститорите во однос на каматните стапки, тоа може да не влијае на доларот со оглед на неговата привлечност како безбедно засолниште.
„Се вративме на точката кога сите зборуваат за крај на растот на доларот и тоа ќе се промени“, изјави за Bloomberg Пол Мекел од HSBC Holdings Plc. „Лично, мислам дека е рано за такви заклучоци. За ова сепак ќе биде потребно време. Причините за промена сè уште не се тука“, додава тој.
BBDXY:IND
Bloomberg Dollar Spot
1.290,58 USD
-2,9 -0,22%
почетна цена
1.292,55
претходна цена на затворање
1.293,48
промена од почетокот на годината
9,935498%
дневен опсег
1.289,55 - 1.292,89
опсег на 52 недели
1.142,58 - 1.317,86
Пред отворањето на европските пазари, индексот на доларот падна за 0,1 отсто, надоврзувајќи се на падот од 0,4 отсто од претходниот ден. Индексот и понатаму е 16 отсто над вредноста на која падна во јануари минатата година.
Валутата е нападната од техничка гледна точка, но „уште не ѝ е заѕвонето“, според Џон Коловос од компанијата Macro Risk Advisors. Ако индексот ICE Dollar падне под 105, тогаш „постои шанси растот да заврши“, додава тој.
Точка на пукање
Овој индекс, кој ја мери јачината на доларот во однос на шест други валути на развиените економии, е во пад веќе пет дена и моментално е нешто над 108. Друг показател, развиен од техничкиот аналитичар Том Демарк, покажува дека американската валута ја достигнала таа точка минатата недела.
Состојбата на пазарот на опции укажува на сомневања дека доларот ќе достигне нов врв. Според пазарните показатели, оптимизмот на инвеститорите е на месечен минимум.
Отпишувањето на доларот е ризичен потег бидејќи ФЕД сè уште може да ги надмине другите централни банки во зголемувањето на каматните стапки, според Чару Чанана од сингапурскиот Saxo Capital Markets.
„За да заклучиме дека јакнењето на доларот е завршено, сè уште ни треба намалување на ризикот во Европа и Кина, или посилни тонови на противење од официјални лица надвор од САД“, напиша таа во објавениот истражувачки труд.
