.webp){kind=icon}
Цената на природниот гас се движи кон неделна загуба бидејќи земјите ги зголемуваат залихите кои ќе служат како тампон за Европа да може да ја преживее зимата дури и ако Русија уште повеќе ги намали испораките.
По првиот месец од тргувањето, холандскиот гас денеска се продава за 150 евра за мегават час, што претставува неделен пад од 4 проценти.
Нафтата утрово загуби 2,5 проценти од вредноста поради големата несигурност неделава. Временските прогнози, исто така, укажуваат на температури над нормалните во текот на врвот на грејната сезона, меѓу декември и февруари, што би можело да биде знак за помала зимска побарувачка.
Прочитај повеќе
Цената на природниот гас е пред неделна загуба на вредноста
Холандскиот гас денеска се продава за 150 евра за мегават час, што претставува неделен пад од 4 проценти
14.10.2022
Гаспром ја покачи цената на гасот за Босна и Херцеговина за 9,7 отсто
Гасот поскапува поради движењето на цената на нафтените деривати и зајакнувањето на доларот
11.10.2022
Европските складишта за гас се со исполнети ккапацитети од 91 отсто, што е повеќе од петгодишниот просек, додека стапката на залихи во Германија достигна 95 проценти, што е ниво за кое што германските власти планираа да го постигнат до почетокот од ноември. Сето тоа ги зголемува шансите Европа да избегне недостиг во текот на ладните денови. Но, исходот ќе зависи од способноста на домаќинствата и компаниите да ја намалат потрошувачката, со цел да не се исцрпат бргу залихите.
Очекувањата за блага зима може да помогнат регионот да ја постигне својата цел за намалување на потрошувачката на гас за 15 проценти.
Сепак и покрај очекувањата за блага зима, терминските цени на гасот остануваат за четири пати поголеми од вообичаените за овој период од годината, а пазарите се чувствителни на сите вести кои би можеле да ги загрозат и без тоа ограничените залихи. Неделава Русија ескалираше со нападите во Украина, предизвикувајќи загриженост околу испораките на горива кои поминуваат низ земјата која што е во војна.
„Во интензивните напади, кои што започнаа во понеделникот и продолжија во текот на целата недела, руските ракети и беспилотните летала оштетија некои од енергетските капацитети и објекти во Украина, вклучително и преносни станици и производни компании“, рече украинскиот министер за енергетика, Херман Халушенко, во разговор за Блумберг ТВ и додаде дека постои можност Русија да го прекине транзитот на гас преку Украина, иако за сега транзитот на рускиот гас за Европа преку Украина го смета за стабилен.
