.webp){kind=icon}
Производството на сурова нафта од ОПЕК остана стабилно во текот на минатиот месец, откако организацијата се договори за симболично намалување на количествата, за да го стабилизира пазарното расположение. Организацијата на земји извознички на нафта го зголеми дневното производство за 30.000 барели во октомври, на 29,98 милиони барели, покажува извештајот на „Блумберг“.
Организацијата потоа се согласи симболично да го намали производството за 100.000 барели дневно, поништувајќи го на тој начин зголемувањето од претходниот месец. Со толкав број членови, кои веќе заостануваат со своите цели, малку од нив требаше вистински да го намалат производството, а вкупната продукција беше значајно под целта на организацијата.
Сепак, Саудиска Арабија и нејзините партнери овој месец планираат значително да го намалат производството, и тоа за два милиона барела дневно. Таквиот потег предизвика жестоки критики од страна на американскиот претседател Џо Бајден.
Прочитај повеќе
САД: Кратењето на понудата од ОПЕК+ доаѓа во најлош момент
Моментот е лош зашто светот уште закрепнува од пандемијата, а веќе се соочува со последици од војната во Украина
19.10.2022
'Голдман' очекува цената на Брент да порасне на 110 долари за барел
ОПЕК+ се согласи за најголемо намалување на производството на нафта од почетокот на пандемијата.
06.10.2022
Администрацијата на американскиот претседател ја тужи Саудиска Арабија дека ја загрозува економијата во светот и му нуди помош на друг производител, Русија, во војната против Украина, преку интервенција за зголемување на цената на суровата нафта. Кралството возврати дека тоа е неопходен потег за да се надоместат лошите економски прогнози.
Во октомври производството на Саудиска Арабија незначително падна на 11 милиони барели дневно, покажа истражувањето. Исто и Кувајт го намали производството, како и поголемиот дел од африканските држави, како Ангола и Конго. Намалувањето е спротивно на зголемувањето во Ирак, Нигерија и Обединетите Арапски Емирати, што резултира со скромен месечен пораст на производството кога станува збор за организацијата во целина.
Со оглед на тоа дека поголемиот дел од членките испумпуваат нафта значително под своите квоти, како резултат на недоволното инвестирање, вкупната испорака на ОПЕК е околу еден милион барели помалку од дневната цел.
Организацијата на земји извознички на нафта и нивни сојузници, позната како ОПЕК+, која вбројува вкупно 23 земји, на 4 декември повторно ќе се состане за да одлучува за политиката за производство.
Анкетата на „Блумберг“ се темели на податоци од следењето на бродовите, информации од извори и процени на консултанти, како „Кплер“ (Kpler Ltd), „Ристад енерџи“ (Rystad Energy) и „Рапидан енерџи груп“ (Rapidan Energy Group).
