Одлуката на Организацијата на земји извознички на нафта и нивни сојузници (ОПЕК+) да го намали производството на нафта може да наштети на светската економија и да ги зголеми инфлаторните притисоци, рече високиот американски службеник во текот на посетата на Блискиот Исток.
„Влијанието е многу широко“, рече Барбара Лиф, помошник државен секретар за прашања од Блискиот Исток при денешната посета на Кувајт. „Ова дојде во најлош можен момент, кога светот штотуку излезе од пандемијата, а веќе се справува и со последиците од војната во Украина“, додаде таа.
ОПЕК+, сочинета од 23 земји, а предводена од Саудиска Арабија и Русија, на 5 октомври донесе одлука да ги намали производството и испораката на нафта за 2 милиони барели дневно, почнувајќи од следниот месец. Тоа предизвика криза во американско-саудиските односи. Американскиот претседател Џо Бајден, чија популарност е погодена од скокот на цените на бензинските пумпи, рече дека ова ќе остави последици врз Саудиска Арабија. Неколкумина членови на Конгресот го обвинуваат кралството Саудиска Арабија поради согласувањата со Москва и сугерираат дека Вашингтон може да ја органичи продажбата на оружје на Ријад или дека ќе го усвои законот познат како „НОПЕК“, кој би им овозможил на САД да ги тужат членките на ОПЕК за манипулации на енергетскиот пазар.
Прочитај повеќе
Белата куќа неделава ќе објави план за испуштање на нафтени резерви
Се работи за последната транша од програмата од 180 милиони барели.
18.10.2022
САД размислува за тужба против ОПЕК поради интервенциите на пазарот
Ако го донесе законот, САД може да ги тужи членките на ОПЕК за манипулации на енергетскиот пазар
07.10.2022
Саудиска Арабија и другите производители од ОПЕК+ одрекуваат дека намалувањето на понудата е од политички причини. Велат дека треба повторно да го урамнотежат пазарот на нафта бидејќи слабеењето на светската економија забавува поради растот на побарувачката за нафта.
„Нема сомнежи дека и од Ријад и од Вашингтон имаше изјави кои ни даваат на знаење дека не е се' во ред“, вели Дана Строул, заменик помошничка на американскиот министер за одбрана за Блискиот Исток. „Мора повторно да се посветиме на дијалогот за да може да го продолжиме патот напред“, додава таа.
Нивните коментари кон Катар, еден од најголемите светски производители на природен гас, беа во спротивност со коментарите на американските власти. Заливската држава, која што ја напушти ОПЕК пред околу 4 години, испумпува гас на максимално ниво и инвестира милијарди долари со компаниите, како „Exxon Mobil Corp“, со цел да ги зголеми своите капацитети за извоз на горива.
.webp){kind=icon}
