text size
ОПЕК+ се согласи за најголемо намалување на производството на нафта од почетокот на пандемијата, за два милиона барели дневно, потег што наиде на итна осуда од САД и ги поттикна во „Голдман сакс“ (Goldman Sachs Group Inc.) да ја зголемат својата прогноза за цената на глобалната референтна нафта Брент во овој квартал.
Еве што имаат да кажат водечките аналитичари на пазарот за нафта откако групата се обврза дека од ноември ќе го намали дневното производство за два милиона барели:
Goldman Sachs
„Сето движење што во моментот го гледаме на страната на понудата поставува основа за она што ние веруваме дека ќе бидат повисоки цени за остатокот од годината“, изјави Демиен Корвалин, шеф за енергетско истражување, за TV Bloomberg. Банката ја зголеми својата проценка за четвртиот квартал за Брент за 10 долари, на 110 долари за барел.
УБС груп (UBS Group AG)
Нафтениот пазар се очекува дополнително да се затегне и Брент да напредува над 100 долари во наредните квартали, посочуваат во белешка аналитичарите, вклучително и Џовани Стауново. Намалувањата на ОПЕК+ ќе се комбинираат со европската забрана за увоз на руска сурова нафта, веројатниот крај на испуштањето на стратешки резерви со нафта од страна на OECD и повисоката побарувачка поради префрлањето од гас на нафта оваа зима, за да се притисне пазарот.
Прочитајте повеќе: Одлуката на ОПЕК+ за кратење на количините ја одржува цената на нафтата
ИНГ Груп (ING Groep NV)
Овој потег е доволен за драматично да се промени рамнотежата за следната година, туркајќи го пазарот во дефицит во текот на цела 2023 година, посочи во интервју Ворен Патерсон, шеф на стратегијата за стоки во Сингапур во ING Groep NV. Има јасна страна на прогнозата од банката за нафтата од типот Брент од 97 долари за барел следната година, вели тој. Сепак, се сметаат за можни и натамошни протоци од американските стратешки резерви, иако тие веројатно ќе имаат само ограничен ефект.
„Ситигруп“ (Citigroup Inc.)
Иако намалувањето е големо на хартија, вистинското намалување ќе биде многу помало бидејќи групата веќе не ги исполнува своите квоти, посочуваат аналитичарите, вклучувајќи ги Франческo Марточија и Ед Морс. Овој потег би можел да има негативен ефект врз ОПЕК+ доколку дополнително ја погоди економската активност и побарувачката на нафта, додаваат тие.
РБЦ (RBC Capital Markets)
Вистинското намалување веројатно ќе биде околу милион барели дневно, при што Саудиска Арабија ќе сочинува повеќе од половина, велат аналитичарите, вклучително и Хелима Крофт. Иако Белата куќа сигнализираше дека може да се случат дополнителни испуштања од стратешките нафтени резерви, не е веројатно дека наскоро ќе има уште едно големо испуштање, додаваат тие.
СПИ (SPI Asset Management)
„Нафтениот комплекс е зафатен со проценка на сложеноста на вистинското кратење, истовремено земајќи ја предвид неусогласеноста помеѓу производството и квотата“, стои во белешката на управниот партнер Стивен Инес. Нафтата Брент би можела да се врати над 100 долари во следните неколку квартали, додава тој.
ЕСАИ (ESAI Energy)
„Овој договор е умерено оптимистичен за цените бидејќи пазарот денес навистина има вишок“, нагласува во белешката Сара Емерсон, директорка на компанијата. „Одлуката од следниот месец за производството на ОПЕК+ во декември ќе одреди дали ова ќе стане позначително зголемување во текот на зимата“.
.webp){kind=icon}
