Нафтата се упати кон неделен пораст од над седум проценти, бидејќи тековното нарушување на ирачкиот извоз го затегна пазарот повеќе од податоците за инфлацијата во САД. Извозот на нафта од Ирак преку Турција веројатно нема да продолжи оваа недела, бидејќи уште е активен спорот меѓу Багдад и Курдистан со кој се запрени испораките на околу 400.000 барели дневно.
По вчерашниот раст од два отсто, цената на ВТИ за испорака во мај утрово е сосема малку променета и барел чини 74,38 долари. Нафтата брент, пак, загуби 0,2 отсто и се тргува по цена од 79,08 долари за барел.
Закрепнувањето на Кина покажа повеќе знаци на сила во март, при што производството продолжи да се шири, а зајакна и градежништвото. Повеќето аналитичари на пазарот се обложуваат дека враќањето на нацијата ќе помогне да се поддржат повисоките цени оваа година.
Неделни промени на цената на ВТИ / Bloomberg
Нафтата сè уште останува на пат за петта по ред месечна загуба, првенствено поради банкарската криза што ги брануваше пазарите во текот на месецов, иако најлошото од превирањата се чини дека заврши. За падот придонесуваат и отпорната руска понуда и штрајковите во Франција, кои ја ограничија побарувачката на сурова нафта.
Инвеститорите ќе ги следат податоците за американската инфлација што треба да бидат објавени во текот на денов, со цел да ги увидат насоките за претстојните чекори во делот на монетарното затегнување, со оглед на тоа што претставниците на Федералните резерви (ФЕД) продолжија да ја нагласуваат потребата од намалување на цените.
Организацијата на земји извознички на нафта и нивните сојузници (ОПЕК+) се состанува следната недела, иако не се очекуваат промени во производствените квоти.
„Повлекувањето на банкарските ризици секако дека обезбедува поттик, како и наративот за ладење на инфлацијата“, рече Вишну Варатан, раководител за економија и стратегија за Азија во „Мизухо“ (Mizuho Bank Ltd).
Конкретно, нафтата брент за испорака во декември утрово падна за 6,2 отсто, на 71,37 долар, додека нафтата ВТИ за испорака во декември се лизна за 6,4 проценти, со што барел се тргува по цена од 67,22 долари.
Цената на нафтата брент за декември порасна за 0,4 проценти, на 73,32 долари за барел, а на ВТИ за испорака во ноември се искачи за 0,5 отсто, на 69,53 долари.
Потрошувачите и инвеститорите се во тешка ситуација бидејќи акциите низ светот паѓаат, шансите за рецесија се зголемуваат, а се наѕираат и повисоки цени за широк опсег на производи.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
