Нафтата поскапува - фокус на рускиот извоз и очекуваниот суфицит на пазарот

Нафтата го продолжи растот од минатата недела бидејќи трговците ги проценуваат потезите за намалување на руските текови во однос на прогнозите за суфицит на пазарот во текот на годинава.

Цената на нафтата брент утрово се зголеми за 0,7 проценти и се тргува над 67 долари за барел откако минатата недела додаде 2,3 проценти, додека цената на ВТИ е околу 63 долари. Американскиот претседател Доналд Трамп ги повтори повиците дека Европа мора да престане да купува нафта од Русија, откако претходно изјави дека е подготвен да продолжи со „големи“ санкции за снабдувањето со сурова нафта од членката на ОПЕК+ доколку земјите од НАТО го сторат истото тоа.

Bloomberg Mercury

 

Иако повеќето европски земји намалија или престанаа да купуваат руска нафта, неколку членки на Северноатлантскиот сојуз - вклучувајќи ги Унгарија и Турција - продолжуваат да го прават тоа. Зголемениот притисок на Трамп врз алијансата доаѓа во време кога САД треба да ги повикаат своите сојузници во Г7 да воведат царини до 100 проценти за Кина и Индија поради тоа што купуваат руска нафта.

Трговците ги следат и случувањата на Блискиот Исток по минатонеделниот напад на Израел во Катар, како и нападите на Украина врз рафинериите и пристаништата во Русија. Во текот на викендот беспилотни летала ја нападнаа постројката Кинеф, во сопственост на „Сургутнефтегас“ (Surgutneftegas) и една од најголемите во земјата, со годишен капацитет од повеќе од 20 милиони тони.

„Застојот во Украина е клучен фактор на пазарот на нафта, а расте непосредниот ризик за влошување на ситуацијата поради потенцијалот за поголеми санкции и повеќе напади врз руската инфраструктура за извоз на нафта“, рече Вандана Хари, основач на фирмата за анализа на пазарот „Ванда инсајтс“ (Vanda Insights) во Сингапур.

Нафтата се тргуваше во опсег од помалку од пет долари за барел во поголемиот дел од изминатиот месец, при што цените беа погодени од конкурентските сили, геополитичките ризици и мечкините фундаменти, што ги натера хеџ-фондовите да ја намалат својата биковска позиција за американската сурова нафта на најниско ниво досега. ОПЕК+ најави дека ќе ,го намали ограничувањето на производството на нафта пред предвиденото - што доведе до тоа Меѓународната агенција за енергија да проектира рекорден суфицит за следната година.

„Очекувањата за преголемо зголемување вршат ценовен притисок надолу, но само кога вестите од Украина ќе забават“, рече Хари.

Во моментов нема коментари за веста. Биди прв да коментира...

Остави коментар