Министерот за енергетика на Саудиска Арабија, Абдулазиз бин Салман, категорично ја отфрли можноста неговата земја да се согласи со конечниот текст на климатскиот самит COP28 (КОП28), кој ќе бара постепено излегување од употребата на фосилни горива.
„Апсолутно не“, рече тој во интервјуто во Ријад на прашањето дали најголемиот светски извозник на нафта би бил задоволен со таква формулација.
Имено, ова е едно од клучните барања на голем број земји на климатскиот состанок во Дубаи, меѓу кои и Европската унија и САД. Конечниот текст мора да биде усвоен едногласно. Разговорите за тоа ќе траат уште една недела. Преговарачите бараат и различни формулации, како што е спроведување на транзиција без да се прецизираат промени кога станува збор за фосилните горива.
Прочитајте повеќе: Почнува КОП28: Најважните детали за климатската конференција
Саудискиот министер не коментираше дали ваквите лингвистички потези ќе ја задоволат неговата земја.
Тој ги нарече лицемерни земјите кои се залагаат за постепено укинување на фосилните горива, велејќи дека државите кои веруваат во тоа едноставно треба самите да започнат.
„Не посочувам имиња. Но, оние земји кои навистина веруваат во постепено намалување, односно излегување од фосилните горива, треба да подготват план како да дејствуваат и да почнат да го спроведуваат од 1 јануари 2024 година“, рече саудискиот претставник.
Изјавата од Ријад само го надополнува проблемот со договорот, на кој веќе укажа и коментарот на претседавачот на состанокот, Султан Ал Џабер, шеф на националната нафтена компанија во Обединетите Арапски Емирати, дека има други начини за намалување на емисиите и дека нема научни докази кои потврдуваат дека напуштањето на фосилните горива е неопходно за постигнување на климатските цели.
Сепак, тој рече и дека употребата на фосилни горива ќе мора постепено да се намалува како дел од енергетската транзиција.
Саудиска Арабија постави цел за нето нула емисии на стакленички гасови, но долго време посочува дека фокусот треба да биде на емисиите, а не на тоа кое гориво треба или не треба да биде дел од енергетскиот микс.
Тој, исто така, ја истакна улогата за фаќање на јаглеродот и ги охрабри плановите за пошумување. Во исто време, целта за нето нула емисии не го вклучува извозот на енергетски производи, туку само потрошувачката дома.
.webp){kind=icon}
Во моментов нема коментари за веста. Биди прв да коментира...