text size
На пазарот на кафе владеат вонредни услови. Цената на сортата арабика во последниот месец скокна за 34 проценти и достигна историски највисока вредност. Цената на робустата во истиот период порасна за 23 проценти.
Време, геополитички тензии, шпекулации...
Уште минатата година цените забележаа значителен раст. Цената на робустата речиси се удвои, а цената на арабиката се зголеми за 86 проценти. Бурните случувања на меѓународните пазари се должат главно на временските влијанија, геополитичките услови и берзанските шпекулации, се наведува во најновиот извештај на хрватската прехранбена мултинационална компанија „Атлантик груп“ (Atlantic Grupa), која го поседува брендот „Баркафе“ (Barcaffe).
Прочитај повеќе
Цената на кафето падна најмногу во два месеца
Најактивниот договор за арабика во Њујорк скокна за 2,1 отсто и достигна рекорд од 4,299 долари за фунта во вторникот, пред да падне за 4,8 отсто.
12.02.2025
Поради недостигот од кафе цената расте најдолго во последните 45 години
Кафето е на пат да ја оствари најдолгата победничка низа од 1980 година, бидејќи пазарот се соочува со постојани проблеми.
04.02.2025
Аналитичарите очекуваат наскоро цената на кафето да порасне до 25 отсто
Големопродажната цена на кафето веќе значајно е покачена, но маркетите уште не ги креваат соодветно цените поради големите трошоци на живот.
20.01.2025
Прогноза 2025: Не очекуваат уште погорчливи цени на какаото и на кафето
Цените на какаото ќе останат над 12.000 долари за тон, а најголемите производители на кафе во зрно во Бразил веќе најавија зголемување на цените од 10-25 проценти.
08.01.2025
„Факторите што влијаеја на цената на суровото кафе во 2024 година остануваат и негативно влијаат на работењето на целата индустрија и во 2025 година. Веќе две години по ред послабите жетви на робустата предизвикуваат недостиг од доволни количества од оваа сорта на пазарот на кафе. Побарувачката ја надмина понудата, што доведе до значителен скок на цените“, се наведува во извештајот.
Во 2024 година цената на робустата за првпат во историјата ја надмина цената на арабиката, предупредуваат од хрватскиот прехранбен концерн. „Процените од Виетнам велат дека новата жетва на робустата ќе биде уште помала од претходната, па затоа се очекува трендот на недостиг од робуста на пазарот да продолжи. Затоа, пад на цената во наредниот период е малку веројатен“, посочуваат од „Атлантик груп“.
Нè очекува недостиг од арабика до средината на 2026 година, што веќе ги активира шпекулативните фондови за понатамошни инвестиции на берзата, а со тоа и зголемување на цената, се наведува во извештајот.
Покрај глобалните трендови, производителите од Европската Унија се изложени на дополнителни трошоци, бидејќи кафето произведено во согласност со барањата на Европската регулатива за производи што не предизвикуваат уништување на шумите (EUDR) на светските пазари постигнува значително повисоки продажни цени, велат од „Атлантик“.
Во Европа цената ја зголемува и еколошкиот сертификат
Иако воведувањето на директивата EUDR е одложено за почетокот на 2026 година, поголемиот дел производители во ЕУ, вклучувајќи го и „Атлантик груп“, веќе договорија купување сурово кафе со сертификат EUDR, што предизвика дополнително зголемување на цената на суровото кафе.
„Речиси е сигурно дека новата жетва во Бразил (средината на 2025 година) ќе биде помала од минатогодишната, што ќе доведе до нова нерамнотежа во понудата и побарувачката. Нè очекува недостиг од арабика до средината на 2026 година, што веќе ги активира шпекулативните фондови за понатамошни инвестиции на берзата, а со тоа и зголемување на цената“, истакнуваат од „Атлантик“.
Анализа на „Блумберг Адрија“: Цените ќе останат високи
Недостигот од робуста и арабика, неповолните временски услови, логистичките пречки и шпекулативните берзански активности продолжуваат да создаваат непредвидлива и нестабилна пазарна средина. Индустријата за кафе ќе продолжи да се соочува со предизвици во обезбедувањето суровини и стабилизацијата на трошоците, што ќе има пошироки последици за целиот пазар и потрошувачите, предупредува сопственикот на популарниот бренд „Баркафе“.
И анализата на „Блумберг Адрија“ предвиде понатамошен раст на цената на кафето годинава. Нашите аналитичари предвидуваат дека цените на какаото во 2025 година ќе останат над 12 илјади долари за тон.
.webp){kind=icon}
