Прогноза 2025: Не очекуваат уште погорчливи цени на какаото и на кафето

Климатските промени и неповолните временски услови се ризици кои придонесуваат за одржување на високи цени на какаото. Предвидуваме дека цените на какаото ќе останат над 12.000 долари за тон во 2025 година, продолжувајќи го притисокот на глобалната индустрија на чоколадни кондиторски производи. Какаото бара висока температура, изобилство вода и влажност на воздухот, што го ограничува неговото одгледување во одредени региони, првенствено Западна Африка, Централна и Јужна Америка, често во шумски области. И покрај високите цени, чоколадото останува нееластично добро, што значи дека побарувачката не е значително засегната, што е видливо од продажбата на големите производители на чоколадо, како што е „Бери Колибаут“ (BarryCallebaut). За поддршка на поголемо производство и потенцијално пониски цени, клучна улога може да има олабавувањето на државните контролни механизми на цените во Гана и во Брегот на Слоновата коска.

Побарувачката за кафе останува многу нееластична, со уште поголема побарувачка од Кина. Како резултат на тоа, се очекува повисоките цени да опстојат. Неповолните временски услови и растот на побарувачката во странство, се очекува да бидат главните двигатели на повисоките цени во 2025 година. Треба да се забележи дека најголемите производители на кафе во зрно во Бразил веќе најавија зголемување на цените од 10-25 проценти на почетокот на 2025 година. Ова неизбежно ќе доведе до повисоки влезни трошоци за производителите на кафе. Зголемените трошоците веќе влијаеја на профитните маржи на производителите на кафе, што се рефлектира во намалувањето на акциите од 25 проценти од почетокот на годината досега кај компании како „Нестле“.

Во 2025 година, регионот Адрија го очекуваат повисоки цени на чоколадните производи и на кафето. Иако зголемувањето на влезните трошоци се клучен фактор, силниот реален раст на платите и солидните изгледи за економски раст исто така ја поттикнуваат побарувачката. Тоа сугерира дека по 2024 година, 2025 би можела да донесе уште „погорчлива“ реалност за потрошувачите кога станува збор за цените.

Во моментов нема коментари за веста. Биди прв да коментира...

Остави коментар