Цената на пченката е на месечен максимум поради силна побарувачка и намалено производство

Цената на пченката на берзата во Чикаго скокна на највисоко ниво за еден месец бидејќи силната побарувачка и пониските изгледи за производство во однос на очекувањата продолжија да го поддржуваат ценовниот раст.

Имено, во рамките на денешното азиско тргување на стоковната берза движењата покажуваат дека цената на пченката за испорака во декември порасна речиси за еден отсто, на 4,1525 долари по бушел (бушелот содржи 25,4 килограми пченка).

Bloomberg Mercury

 

Пченицата, пак, порасна за 0,5 проценти, на 5,30 долари по бушел, додека цената на сојата се намали за 0,2 проценти, на 10,5675 долари за бушел (бушел соја има 27,2 килограми).

Побарувачката за извоз на пченка во САД беше силна, а Министерството за земјоделство извести за дополнителни 2,8 милиони тони нето-продажба во неделата што заврши на 14 август.

Во меѓувреме, „Про фармер“ (Pro Farmer) ги процени приносите на пченка во САД на 182,7 бушели по хектар по годишната обиколка на земјоделските култури. Иако ова претставува рекорд, сепак е далеку под претходните процени на Министерството за земјоделство на САД за приноси од 188,8 бушели.

Сушното време и болестите на земјоделските култури остануваат ризици што дополнително имаат влијание на растот на цените.

Во моментов нема коментари за веста. Биди прв да коментира...

Остави коментар