Повлекувањето на вредноста на доларот полека го враќа златото „во игра“

Златото месецов се држи блиску до најниското ниво, бидејќи доларот продолжи да се повлекува главно поради рестриктивната политика на Европската централна банка (ЕЦБ) и очекувањата дека инфлацијата можеби го достигнa врвот во САД.

Златните прачки забележаа раст од 0,5 проценти. ЕЦБ се приклучи кон политиката на американските Федералните резерви (ФЕД) со агресивно зголемување на каматната стапка, што всушност придонесе за пад на вредноста на американската валута во однос на постигнaтиот рекорд претходната недела.

САД денеска ќе ги објави податоците за инфлацијата во август, а пазарот очекува пад на цените на годишно ниво на 8,1 отсто, што би претставувало намалување на инфлацијата втор месец по ред од нивото од 9,1 отсто, што беше регистрирано во јуни.

Тоа би го намалило притисокот врз ФЕД и би придонело да не продолжи зголемувањето на каматните стапки со толку голем интензитет, иако надлежните сигнализираа дека следната недела веројатно ќе ја зголемат референтната каматна стапка за 75 базни поени, што би било трето такво покачување по ред.

Bloomberg Mercury

Златото годинава загуби повеќе од 5 проценти од својата вредност бидејќи таквиот став од страна на централните банки изврши притисок врз бескаматните имоти, а го зајакна доларот.

Вредноста на златото утрово на европските берзи малку се помести, на 1.724,98 долари за унца. Среброто и платината се тргуваат со нијанса пониски цени, а падна и паладиумот.

 

Во моментов нема коментари за веста. Биди прв да коментира...

Остави коментар