text size
Од ноќеска на полноќ литар дизел ќе се продава по цена од 92 денари. Цената на горивото се зголемува за 6,5 денари по литар, соопшти денеска Регулаторната комисија за енергетика.
Според одлуката на РКЕ, поскапувањето кај бензините е поголемо, за седум денари по литар и од ноќеска литар БС 95 ќе чини 86,5 денари, а БС 98 ќе се продава по цена од 88,5 денари.
Од почетокот на кризата на Блискиот Исток цената на дизелот во земјава се зголеми за 21 денар, а на бензините за 12 денари по литар.
Прочитај повеќе
Најголемиот нафтен ризик доаѓа од дното на бурето
Војната во Иран ја преврте индустријата наопаку. Мазутот сега е ултраскапа стока - и тоа е лоша вест за глобалната економија.
15.03.2026
Дали горивата ќе поевтинат - „Окта“ понуди попуст кој за „Макпетрол“ е недоволен
Од денеска до крајот на овој месец „Окта“, најголемиот снабдувач со деривати во земјава, ќе обезбеди попуст од 2 денари по литар дизел и бензини, за трговците кои набавуваат горива од компанијата.
13.03.2026
Брент затвори над 100 долари за првпат од август 2022
Цената на суровата нафта Брент се тргува над 100 долари за барел за прв пат од 2022 година, додека милиони барели остануваат заробени во Персискиот Залив, што доведе до најголемото нарушување на пазарот на нафта во историјата.
12.03.2026
Колку гориво можете да купите со просечна плата во регионот: Во Македонија најмалку
Ормускиот Теснец останува блокиран, а ракетните напади меѓу САД и Иран не покажуваат знаци на смирување. Од почетокот на воената интервенција на Блискиот Исток, според процените на „Сити груп“, пазарот на сурова нафта губи меѓу 7 и 11 милиони барели дневно.
12.03.2026
„Денешната одлука за максималните цени на нафтените деривати е резултат на растот на берзанските цени на нафтените производи, како и континуираниот раст на доларот во однос на денарот во изминатиот петдневен период. Со оваа одлука со која се врши зголемување на малопродажните цени на нафтените деривати во просек за 8,98 отсто во однос на одлуката од 9.3.2026 година, цените на нафтените деривати остануваат најниски во регионот и Европа“, соопшти РКЕ.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 16,964 отсто, а кај дизелот за 11,714 отсто.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,8453 отсто.
Истовремено РКЕ им укажува на нафтените компании да ги намалат малопродажните цени за 2 денари по литар, согласно договорениот попуст од страна на Владата со главниот добавувач ОКТА, со што ќе овозможат бенефитот од ова намалување директно да го почувствуваат граѓаните.
.webp){kind=icon}
