Европската централна банка (ЕЦБ) ги намали каматните стапки за четвртина поен, на три отсто, намалувајќи го својот јастребовски тон, и предупреди дека растот ќе биде послаб отколку што прогнозираше. Сега референтната депозитна стапка на централната банка е на најниско ниво од март 2023 година. Најновото намалување на каматите се случи во моменти кога ЕЦБ предупреди дека економијата на еврозоната ќе порасне само 1,1 отсто во 2025 година, што е помалку од нејзината септемвриска процена од 1,3 отсто.
Раст на осигурителниот пазар во третиот квартал
Осигурителниот пазар во Македонија пораснал за 12,6 проценти во третиот квартал годинава, покажуваат податоците од Националното биро за осигурување. Бруто полисираната премија (БПП) на крајот од септември имала вредност од 198,4 милиони евра во однос на 176 милиони евра пред една година.
Животното осигурување има поголем раст од неживотното, односно БПП овде е за 20,8 проценти повисока од лани и изнесува 33,5 милиони евра во третиот квартал, додека неживотното осигурување има раст од 11,06 проценти, на 164,7 милиони евра вредна БПП.
ИНГ: Тензиите меѓу САД и Кина ќе ја зголемат силата на златото во 2025 година
Тензиите меѓу САД и Кина може да влијаат на пазарите на енергија и стоки следната година, додека изгледите за златото остануваат светли, прогнозира ИНГ (ING Groep NV).
Ветувањата на новоизбраниот претседател Доналд Трамп за воведување тарифи за трговските партнери и можната одмазда може да ги нарушат пазарите, вклучувајќи ги и нафтата, металите и земјоделските производи, бидејќи трговците бараат стимулативни мерки од Кина за да се поттикне потрошувачката, истакна заемодавецот во својата прогноза за 2025 година.
„Скопски пазар“ и „Промедика“ ја зголемија сопственоста во „Македонијатурист“
„Скопски пазар“ купи дополнителни 3.042 акции и сега поседува 89.208 акции односно 19,73 проценти од вкупниот број обични акции издадени од „Македонијатурист“ АД, информираа од компанијата преку Македонската берза. Оттаму додаваат дека истовремено „Промедика“ купила дополнителни 1.667 акции и сега поседува 51.771 акциja односно 11,45 проценти од вкупниот број обични акции издадени од „Македонијатурист“ АД.
Бугарија и Романија целосно влегуваат во шенген - нови проблеми за македонските транспортери
Почнувајќи од следната година, Романија и Бугарија ќе добијат целосен пристап до беспасошката зона на Европската Унија (ЕУ). Министрите за внатрешни работи на блокот вчера го одобрија пристапот на двете земји во шенген-зоната преку копнени граници. Тоа значи дека од 1 јануари ќе бидат укинати граничните контроли на копнените контролни пунктови, кои понекогаш предизвикуваа редици што траат навистина долго, некогаш дури и со денови.
Транспортерите од Македонија и речиси сите балкански земји што не се дел од ЕУ се жалат дека вршителите на бродски, авио и железнички превоз на стока и патници се изземени од обврската да им се бројат деновите на престој, а професионалните возачи што се вршители на превоз во патниот сообраќај на стока и патници сега ќе се соочат со значителни бариери (дискриминација), кои ги спречуваат да ги вршат своите работни обврски ефикасно како и другите учесници генерално во превозот.
Доктор Гугл има замена и во Македонија: Луѓе почнаа да се лекуваат со ЧетГПТ
Речиси 90 отсто од пациентите пред да одат на лекар си ја завршуваат домашната задача односно на интернет си ги проверуваат симптомите, можните дијагнози, испитувањата што треба да ги направат, па дури и терапијата што треба да ја примаат. Сѐ поголемата распространетост на интернетот придонесе доктор Гугл да стане омилениот доктор, а сега вештачката интелигенција забрзано му ги презема пациентите.
Истражување на Универзитетот во Канзас, САД, направено меѓу 100 родители на возраст меѓу 18 и 64 години, покажа дека тие имаат поголема доверба во вештачката интелигенција отколку во вистинските лекари.
.webp){kind=icon}
