text size
„Рајанер“ (Ryanair Holdings Plc) побара од европските власти да ја ограничат продажбата на алкохол на аеродромите. Ирската нискобуџетна авиокомпанија изјави дека поддржува максимум по два пијалака на аеродромите, наведувајќи инцидент од април 2024 година, кој ја чинел повеќе од 15.000 евра.
Инцидентите на летовите се зголемуваат од пандемијата, што ги поттикна авиокомпаниите и стјуардесите во Европа и во САД да повикаат на ограничувања на консумацијата на алкохол на земја. Нивните кампањи наидоа на отпор од аеродромите, како и од пабовите што заработуваат од продажбата.
Во ЕУ секое седмо ново возило е со нулта емисија, во Македонија фали нултата
Нешто над 1,55 милион нови патнички возила со нулта емисија на штетни гасови се регистрирани во 2023 година во Европската Унија. Тоа претставува 14,5 проценти во вкупниот број нови регистрации на патнички автомобили во земјите на ЕУ.
Земјите од регионот многу заостануваат зад просекот на ЕУ, па дури и тие што се членки на Унијата. Хрватска и Словенија се на дното на табелата, а не отскокнуваат многу ниту Грција и Бугарија. Сепак и нивните бројки засега се недостижни за земјите од нашиот регион, кои се стремат да му се приклучат на големото европско семејство.
Само неколку автомобили имаат реална цена: Тест на германски АДАК
За повеќето луѓе односот цена-перформанси е најважниот аспект при купување автомобил. За жал, многу модели тука не успеваат, како што докажува автотестот на германскиот автомобилски клуб АДАК (ADAC), кој ги рангира автомобилите токму по тој критериум.
Од АДАК констатираат дека автомобилите никогаш не биле толку скапи како денес. Дури и во најевтините сегменти на возила – мини и мали автомобили – изборот на поволни цени е мал. Од над 60 мали автомобили на пазарот, само три чинат помалку од 15.000 евра. Работите не се ништо подобри во повисоките класи на возила. Сега се потребни околу 40.000 евра за автомобил од средна класа. Но што добивате за парите?
БЈД води во глобалната трка за производство на поевтини електрични возила
БЈД ја зголеми својата годишна продажба во Кина за 15 пати, на три милиони автомобили, за само три години, а сега извезува на околу 95 пазари, вклучувајќи и 20 нови на кои влезе во 2024 година. Оваа компанија гради и неодамна отвори или најави планови за отворање фабрики надвор од Кина во десет земји на три континенти.
Глобалната автомобилска индустрија е изненадена од брзината и обемот на нејзината експанзија. Тоа доведе до воведување тарифи во САД и во ЕУ, каде што креаторите на политиката стравуваат дека кинеските компании, како што е БЈД, ќе ја уништат домашната автомобилска индустрија.
Омилени пазари на компанијата се пазарите во развој и земјите што немаат домашна автомобилска индустрија за заштита.
Анкета на Народната банка: Инфлација од 3 проценти во 2025 година
Анкетата за инфлациските очекувања и очекувањата за движењето на реалниот БДП за периодот 2024-2026 година, спроведена во декември, не упатува на позначителни промени во очекувањата за просечната стапка на инфлација, додека очекувањата за растот на БДП се умерено повисоки, соопшти Народната банка.
Во однос на инфлацијата, и натаму се очекува нејзино постепено забавување и сега се проценува просечна стапка на инфлација за 2024 година од 3,5 проценти, додека за 2025 и 2026 година е направена минимална нагорна ревизија на три односно на 2,5 проценти соодветно. Во поглед на економската активност, се очекува раст од 2,5 проценти за 2024 година, 3,3 отсто во 2025 и 3,7 отсто во 2026 година.
„Блумберг“: Македонија се подготвува за издавање еврообврзница во 2025 година
Македонија се подготвува за издавање еврообврзница во 2025 година, според изјавата на министерката за финансии Гордана Димитриевска-Кочоска во рамките на форумот на Централна и Источна Европа во Виена, која ја пренесе „Блумберг“. Во изјавата таа не прецизира за колкава сума станува збор и кога би било новото задолжување. Ваквата најава доаѓа во период кога пристигнува за исплата еврообврзницата издадена во 2018 година, во износ од 500 милиони евра, за што Владата веќе обезбеди пари преку директен заем од Унгарија, на која сега ѝ должиме милијарда евра.
.webp){kind=icon}
