ММФ констатира дека се интензивира економскиот раст на земјава. „По засилувањето на почетокот на 2024 година, се очекува раст од 3,3 проценти во 2025 година, поттикнат од посилната домашна побарувачка, бидејќи проектите за јавни инвестиции (вклучувајќи го и проектот за коридорот 8/10г) се интензивираат и потрошувачката е поддржана од владините трансфери и растот на реалните плати“, наведуваат од ММФ. Оттаму укажуваат дека влијанието на слабата надворешна побарувачка забележано во 2024 година се очекува да опстои и во 2025 година, поттикнато од структурните промени во европскиот автомобилски сектор. На долг рок, високата емиграција, особено кај младиот сегмент од населението, се предвидува да го намали потенцијалниот раст, кој монетарците сега го проценуваат на три проценти.
Добро утро, следуваат петте важни вести за почетокот на денов.
Нова регулатива: Ќе дочекаме ли реален пад на цените во маркетите?
Видливо и јасно истакнати цени на полиците, но и на интернет-страниците на трговците за поголема транспарентност и фер однос меѓу маркетите и потрошувачите. Вака ќе се решава проблемот со навидум неконтролираниот раст на цените на производите, што од една страна ги богати синџирите на маркети, од друга, пак, сериозно го нагризува стандардот на граѓаните.
Пратениците веќе ги изгласаа измените на Законот за заштита на потрошувачите, а трговците ќе имаат период од 45 дена за адаптација на новите правила. Тоа значи дека некаде од средината на април ќе биде задолжително пред секој производ видливо и читливо да биде истакната неговата продажна и единечна цена, за потрошувачот да има подобра прегледност и споредливост на цените.
„Македонски телеком“: Приходите од продажба ги компензираа зголемените трошоци
„Македонски телеком“ едвај го компензира зголемувањето на оперативните расходи со годишен раст на приходите од продажба од 2 отсто, па конечниот резултат е скромен годишен раст на ЕБИТДА од 0,3 отсто. Ако одиме чекор понатаму, профитабилноста не е на минатогодишното ниво бидејќи ЕБИТДА од 41,7 отсто е за 0,5 процентни поени пониска. Конечно, за растот на финансиските приходи компанијата треба да му се заблагодари на годишниот раст на нето-добивката од 7,6 отсто.
Можеме да кажеме дека четвртиот квартал од 2024 година успеа да донесе вакви резултати за „Македонски телеком“ затоа што на крајот на третиот квартал ЕБИТДА беше помала за 2,4 отсто или ЕБИТДА беше помала за 1,4 процентни поени.
Ако се врати Америка на Трамп, кои ќе бидат губитниците?
Денот 20 јануари 2025 година ќе биде запишан во историјата како почеток на ресетирање на светскиот поредок и реорганизација на глобалната економија. Таква е, едноставно, тежината на најсилната економија во светот вредна 30,3 билиони долари, а со тоа и на човекот што ќе управува со неа во наредните четири години непосредно и посредно. Речиси е незамисливо колку исклучително, речиси божествено влијание врз светот може да има еден човек. „Американскиот претседател Доналд Трамп е бич божји. За некои буквално – инструмент на божја казна за гревовите на западната цивилизација“, напиша стручњакот за комуникации Дејан Верчиќ и партнер во фирмата „Херман и партнери“ на социјалните мрежи, коментирајќи ги последиците од вториот мандат на старо-новиот американски претседател.
Додик осуден на една година затвор
Претседателот на Република Српска (РС), Милорад Додик, денеска беше прогласен за виновен поради неизвршување на одлуките на високиот претставник на меѓународната заедница во Босна и Херцеговина (БиХ). Судот на БиХ му изрече казна од една година затвор и мерка забрана за вршење на функцијата претседател на РС во траење од шест години од денот на правосилноста на пресудата. Додик не ја прифаќа пресудата.
Вршителот на должноста директор на „Службениот гласник на Република Српска“, Милош Лукиќ, беше ослободен од обвиненијата.
Додик и Лукиќ не присуствуваа на изрекувањето на пресудата во Сараево. Станува збор за првостепена пресуда, на која е дозволена жалба до Апелацискиот совет на Судот на БиХ.
Како македонска кафетерија се најде меѓу стоте најдобри во светот?
На свечен настан во рамките на реномираниот фестивал за кафе во Мадрид минатата недела беа прогласени најдобрите сто кафетерии во светот. На листата се најде и скопското кафуле „Дјуд спешлти кофи“ (The Dude Specialty Coffee), кое во конкуренција на 4.000 локали заврши на 63-то место.
Скопската кафетерија „Дјуд спешлти кофи“ е присутна на пазарот четири и пол години, а сопственикот Мирче Чашуле ни објасни како таа воопшто се нашла на оваа престижна листа.
.webp){kind=icon}
