Десет полициски службеници добија кривична пријава во врска со пожарот во ноќниот клуб „Пулс“ во Кочани во кој починаа 61 лице, а над 200 беа повредени. Како службени лица тие овозможиле правното лице да се стекне со лиценца за вршење угостителска дејност, така што не постапиле според прописите за мерките за заштита и не извршиле целосна проверка пред да биде издадена позитивната согласност за издавање лиценца за кабаре, со што предизвикале опасност по животот и телото на луѓето на место каде што се собираат поголем број луѓе, посочија од МВР. Шестмина од нив се лишени од слобода, по едно лице се трага, а тројца од претходно издржуваат мерка притвор.
ББА-прогноза: ЕЦБ ќе ги намали каматните стапки за 0,25 проценти
Очекуваме ЕЦБ да ги намали каматните стапки на претстојната седница за 25 б.п., со што каматната стапка на депозитните олеснувања ќе достигне 2,25 проценти. Ако ги погледнеме сите релевантни услови, ова е добро време ЕЦБ да ги намали каматните стапки. Според Анкетата за кредитна активност во првото тримесечје од 2025 година, стандардите за кредитирање се стабилизираат откако значително се подобрија во текот на претходните две години, што сугерира дека каматната стапка на ЕЦБ е блиску до нејзината конечна вредност, можеби во неутралната зона.
Знаете ли што се дивидендни аристократи?
Тековниот нестабилен пазар без јасна насока не може да се опише со термини како биковски или мечкин пазар, но наместо тоа сѐ повеќе и повеќе аналитичари го користат терминот кенгурски пазар. Во вакво опкружување, фокусот природно се префрла од акциите со „раст“, чии вреднувања се засноваат на очекувањата за идните приходи, на акции со солидни фундаменти, особено оние што редовно исплаќаат дивиденди. Компаниите што со децении исплаќаат и ги зголемуваат дивидендите на своите акционери се стекнуваат со статус на дивидендни аристократи, а таквите компании не само што се извор на принос туку се и знак на отпорност и сигурност.
На Македонија ѝ треба помош од ВИ за креирање стратегија за ВИ
Пред десетина дена Србија склучи договор за набавка на суперкомпјутер во вредност од 50 милиони евра, кој ќе биде сместен во Државниот датацентар – ДДЦ (DDC) во Крагуевац. Србија има цел да го направи Крагуевац регионален центар на современата технологија.
Македонија, пак, уште во 2021 година формираше работна група за изработка на национална стратегија за вештачка интелигенција. Четири години подоцна нема ништо од тоа. Од Министерството за дигитална трансформација велат дека ВИ има големо значење во нивната визија за дигитална трансформација, особено во делот на создавањето модерна дигитална економија и технолошките иновации, а ништо помалку и во иницијативите за подобрување на ефикасноста на владините услуги. Но што конкретно се презема?
По трговската, добиваме и валутна војна
На маргините на ескалацијата на трговската војна што годинава ја започна американскиот претседател Доналд Трамп, почна и валутна војна. Засега губитник од артилерискиот оган на царините е американскиот долар, кој загуби многу од вредноста во однос на другите големи светски валути.
Еврото годинава порасна дури за 9,39 отсто во однос на доларот и се движи на највисокото ниво во последните неколку години. На движењето на еврото ќе влијае и денешната одлука на ЕЦБ за каматните стапки.
Зошто светските музички ѕвезди се враќаат во Македонија?
Бобан Милошески, сопственик на промоторската куќа што организира големи музички настани, за „Блумберг Адрија“ раскажува што е пресудно за повторното доаѓање на светските музички ѕвезди во нашата земја и како воопшто течат преговорите.
„Процентот на светски артисти што доаѓаат во Македонија oткога ние ќе пишеме мејл до нивниот агент, наспроти артисти што самите први ни пишуваат, е сигурно 10 према 1.Токму претстојните два концерта на ’Хуверфоник’ и Брајан Адамс влегуваат во овој еден процент“, вели Милошески од „Авалон продукција“.
.webp){kind=icon}
