Трите најголеми банки во земјава наскоро ќе објават нови тарифници со намалени надоместоци за извршување платни услуги, најави гувернерот на Народната банка, Трајко Славески, во телевизиско интервју. Оваа позитивна најава следува по интензивниот дијалог што Народната банка го води со банкарскиот сектор за унапредување на пристапот на граѓаните до поефикасни и подостапни услуги.
Енергетски бум во најава, увозот на струја расте
Во мај годинава увозот на струја бил за 25,9 отсто поголем во однос на истиот месец минатата година, покажуваат последните податоци на Државниот завод за статистка. Извозот исто така расте, но побавно – во мај 2025 тој бил за 11,1 отсто повисок споредено со мај 2024 година.
Статистичките податоци покажуваат дека трендот на забрзан раст на производството на струја од обновливи извори продолжува. Најголем раст во мај има производството на струја од ветер, на годишно ниво тој надминува 79 отсто, а во уделот на струјата од ветер во вкупното производство на електрична енергија во земјава надмина шест отсто, што е двојно зголемување во однос на претходниот период. Читајте ја нашата анализа.
ББА-анализа: Како ќе се движат цените на нафтата и на гасот во 2025 година?
Цените на суровата нафта се во опаѓање во последните дванаесет месеци, паѓајќи за 17 проценти. Од почетокот на 2025 година беа забележани два скока, во текот на јануари и јуни 2025 година, и двата под влијание на геополитичките настани.
Сепак, производството во САД, кое е близу рекордното високо ниво и зголемувањето на производството на ОПЕК+ го туркаат глобалниот вишок нагоре, создавајќи притисок надолу заедно со економското забавување. Целата анализа е на овој линк.
Европејците се бесни на Урсула фон дер Лајен
Залудно во неделата вечер европските претставници речиси ја повторуваа истата реченица дека трговскиот договор меѓу Европската Унија и САД „создава безбедност во неизвесни времиња“ и дека „обезбедува стабилност и предвидливост за трговските односи“. Тоа прво го изјави претседателката на Европската комисија (ЕК), Урсула фон дер Лајен, а потоа го повторија претседателот на Европскиот совет, Антонио Коста, претседателката на Европскиот парламент, Роберта Мецола, и германскиот канцелар Фридрих Мерц, но тоа не спречи вистински наплив од негативни коментари и критики, како од политичарите така и од стручната јавност, но и од таканаречените обични граѓани.
Судејќи според коментарите на социјалните мрежи и во медиумите, кои ги одразуваат оцените дека станува збор за „понижување“, „капитулација“ и „вазализација“, Европејците се претежно лути на шефицата на ЕК, сметајќи дека таа не се борела доволно силно во преговорите со американскиот претседател Доналд Трамп или дека немала добра преговарачка стратегија.
Сè повеќе домаќинства се вртат кон замрзнатата храна, промената не е случајна
Во време кога инфлацијата ги стеснува буџетите, а климатските промени го менуваат начинот на кој размислуваме за храната, замрзнатата храна станува сè попопуларен избор поради намалениот отпад, подолгиот рок на траење и стабилните цени. Иако со години се сметаше за помалку пожелна од свежата, новите истражувања покажуваат дека перцепциите брзо се менуваат, особено кај оние што сакаат да купуваат попаметно и да фрлаат помалку отпад.
Извештајот „Замрзнатото во фокус“, објавен во јуни 2025 година од „Номад фудс“, група во која е вклучен и хрватскиот „Ледо“, открива интересна промена во однесувањето на потрошувачите. Гигантот за замрзната храна спроведе сеопфатно истражување на 7.512 возрасни лица во Обединетото Кралство, Франција, Германија, Италија и Шведска. Резултатите откриваат дека замрзнатата храна сè повеќе не е последен избор, туку прв чекор кон поодржлив начин на живот.
Дали финансискиот ферплеј на ФИФА ќе го спаси или ќе го задуши фудбалот?
Фудбалот денес сè повеќе потсетува на големите корпорации, а не на спортските клубови какви што ги знаевме пред неколку децении. Клучна причина за тоа се огромните суми пари што циркулираат, почнувајќи од вртоглави трансфери на играчи до астрономски договори за ТВ-права. Но, најважно од сè, фудбалот стана пазар што сака контрола врз растечките финансиски нерамнотежи. Тука клучна улога игра регулативата за финансиски ферплеј (ФФП) на ФИФА (FIFA Financial Fair Play - FFP), воведена за да се спречат дивеење на трошоците и прекумерни финансиски загуби.
.webp){kind=icon}
Во моментов нема коментари за веста. Биди прв да коментира...