Трите најголеми банки во земјава наскоро ќе објават нови тарифници со намалени надоместоци за извршување платни услуги − најави гувернерот на Народната банка Трајко Славески во телевизиско интервју. Оваа позитивна најава следи по интензивниот дијалог што Народната банка го води со банкарскиот сектор за унапредување на пристапот на граѓаните до поефикасни и до подостапни услуги.
Како дел од заложбите за зголемување на ефикасноста во платниот промет, Народната банка неодамна направи важна промена во моделот на работење на системот за порамнување на меѓубанкарските плаќања – МИПС. Со воведувањето нови правила и со намалувањето на трошоците за користење на овој систем, банките ќе остваруваат значителни заштеди.
„Нашата интервенција во МИПС ослободи значителен износ на средства кај банките и го намали нивниот оперативен трошок. Со ова се создаде простор за пренесување на дел од тие заштеди кон клиентите, преку намалување на надоместоците – нешто што веќе го гледаме како резултат“, изјави гувернерот Славески.
Прочитај повеќе
Колку е калоричен колачот од провизиите штом Славески сака да ги стави банките на диета?
Направивме преглед на тоа кои се износите што банките треба да ги намалат или укинат по препораката на гувернерот Славески.
30.06.2025
Банките „под радарот“ за бојкот: Профитите рекордни, а услугите сѐ поскапи
На ниво на целиот банкарски сектор, приходите од провизии и од надоместоци растат континуирано.
20.02.2025
Гувернерот Славески побара од банкарите да ги намалат или укинат провизиите
Целта на иницијативата е провизиите да се постават на ниво што ќе биде одржливо за банките, но истовремено да бидат фер и прифатливи за корисниците.
25.06.2025
Какви промени ќе внесе Славески во монетарната политика?
Трајко Славески денеска даде свечена изјава откако доцна синоќа беше избран за гувернер НБРМ
29.05.2025
Тој посочи дека Народната банка, иако е регулатор, води постојан дијалог со банкарскиот сектор и делува и како партнер, со цел да се унапредат услугите и да се зголеми задоволството кај корисниците.
„Разговараме со банките да одиме и чекор подалеку – кон разумна и општествено одговорна политика на тарифи. Тоа не е само во интерес на клиентите, туку и на банките, коишто преку вакви потези ги зајакнуваат сопствениот углед и довербата кај јавноста“, изјави гувернерот Славески.
Народната банка и натаму ќе ја поттикнува конкуренцијата и модернизацијата на платниот промет, а со либерализацијата на пазарот се очекува уште поголем притисок за намалување на трошоците за граѓаните и за деловната заедница.
„Позитивните сигнали што веќе ги добиваме се резултат на нашиот пристап заснован на аргументи и партнерски дијалог со банкарскиот сектор. Очекуваме дека наскоро и останатите банки ќе ги следат овие примери“, додаде гувернерот.
Народната банка и во иднина ќе биде посветена на создавањето регулативна рамка којашто ќе поттикне развивање на квалитетни и ефикасни финансиски услуги достапни за сите граѓани и компании во земјава.
.webp){kind=icon}
