text size
Американскиот претседател Доналд Трамп ги критикуваше „Ен-би-си“ (NBC) и „Еј-би-си“ (ABC) како „два од најлошите и најпристрасни медиуми во историјата“, додавајќи дека ќе ја поддржи Федералната комисија за комуникации - ФКК (англ. FCC – Federal Communications Commission) за да им ги одземе лиценците на нивните телевизиски станици.
Медиумите „ми даваат 97 проценти лоши приказни“, напиша Трамп во објава на Трут сошал, „и покрај многу високата популарност и, според многумина, меѓу најдобрите осум месеци во претседателската историја“. „Ако е таков случајот, тие се едноставно разгранок на Демократската партија и, според многумина, ФКК би требало да им ги одземе лиценците“, додаде тој. „Јас би бил целосно за тоа бидејќи тие се толку пристрасни и невистинити, што претставуваат вистинска закана за нашата демократија!!!“
Се купуваат станови, не канцеларии: Исчезна ли во Македонија интересот за деловен простор?
Интересот за купување деловен простор не го следи интересот за купување стан. За разлика од силната побарувачка за станови, која влијаеше на силен раст на цените во последната деценија, кај бизнис-недвижностите најчесто се изнајмува, а поретко се купува.
Според податоците на Агенцијата за катастар на недвижности за првиот квартал од годинава, склучени биле купопродажни договори за 1.947 стана и 623 продажби на куќи. Во делот на деловните простори, статистиката на Катастарот покажува дека биле продадени 215 деловни објекти за 18 милиони евра и уште 26 индустриски објекти за 8 милиони евра.
ЕЕС ќе стартува во октомври, влез во шенген-зоната ќе чини 20 евра
По неколкукратно одложување на воведувањето на системот за влез и излез на ЕУ – ЕЕС (Entry/Exit System - EES), Европската Унија има намера во октомври конечно да го лансира својот нов дигитален систем за контрола на границите, а ќе се воведува постепено во период од шест месеци, односно до 10 април 2026 година.
Притоа, важно е да се напомене дека пред првиот влез во шенген-зоната патникот треба да пополни електронски формулар со своите основни податоци, а ќе треба да плати и такса за влез, која изнесува 20 евра (ќе треба да се плати со платежна картичка). ЕУ тројно го зголеми износот на оваа такса, која првично беше најавено дека ќе чини седум евра.
Лагард: Независноста на централната банка е од суштинско значење
Претседателката на Европската централна банка (ЕЦБ), Кристин Лагард, предупреди да не се доведува во прашање независноста на креаторите на политиките и на нивните институции, нагласувајќи дека економиите ризикуваат да станат нефункционални доколку владите се вмешаат во одредувањето на каматните стапки.
„Независноста на секоја централна банка е критично важна. Ние мора да бидеме отчетни, мора да поднесуваме извештаи и да одговараме на сите прашања, било пред Конгресот во САД или, во мојот случај, пред Европскиот парламент. Но од витално значење е централната банка да биде независна“, изјави Лагард за „Фокс њуз“.
Кварталната заработка на „Енвидија“ е клучен тест за растот на берзата
Трговците со акции се посмирени неделава, откако претседателот на Федералните резерви, Џером Пауел, сигнализираше дека намалувањето на каматните стапки е на повидок. Следниот клучен тест за берзата ќе биде пресекот на тоа што ги движеше добивките во последните неколку години: еуфоријата околу вештачката интелигенција (ВИ).
Сега на ред е „Енвидија“ (Nvidia Corp.), која в среда, по затворањето на берзата, ќе ги објави кварталните резултати. Трговците се надеваат дека компанијата ќе ги смири стравувањата околу трошоците за ВИ и ќе потврди дека последниот раст на берзата не е само уште еден технолошки балон.
Бизнис очекувањата во Германија на највисоко ниво од 2022 по трговскиот договор со САД
Довербата кај германските компании неочекувано се подобри, достигнувајќи го највисокото ниво од 2022 година, откако Европската унија постигна трговски договор со САД, и покрај критиките за зголемените царини.
Индексот на очекувања на институтот Ифо (Ifo) порасна на 91,6 во август од ревидираните 90,8 во јули.
Економистите анкетирани од „Блумберг“ предвидуваа пад. Мерката за тековните услови, пак, забележа мало влошување. Анкетата нуди надеж дека Германија може да постигне заживување по две години рецесија предизвикана од војната на Русија во Украина. Композитниот индекс на менаџери за набавки на S&P Global за август покажа дека активноста во приватниот сектор на најголемата европска економија неочекувано забрзала.
.webp){kind=icon}
