Интересот за купување деловен простор не го следи интересот за купување стан. За разлика од силната побарувачка за станови, која влијаеше на силен раст на цените во последната деценија, кај бизнис-недвижностите најчесто се изнајмува, а поретко се купува.
Според податоците на Агенцијата за катастар на недвижности за првиот квартал од годинава, склучени биле купопродажни договори за 1.947 стана и 623 продажби на куќи.
Во делот на деловните простори, статистиката на Катастарот покажува дека биле продадени 215 деловни објекти за 18 милиони евра и уште 26 индустриски објекти за 8 милиони евра.
Прочитај повеќе
Скапи станови: Поврат на ДДВ е можно решение за купување прва недвижност
Стапките на ДДВ во сите земји од регионот се повисоки, но државите враќаат дел од данокот за купување прв стан.
22.08.2025
Незаконски имот вреден милијарди, а македонскиот буџет добива ситнеж
Освен пари, благородни метали, возила и недвижен имот, како највредна стока, АУОИ одзема и многу други предмети, како оружје, цигари, тутун, наркотици, но и животни, па и речиси безвредни работи.
20.08.2025
ДДВ од 5 отсто важи до Нова година – ќе уриваат ли цените на становите нови рекорди
Министерството за финансии ќе анализира дали стапката ќе остане иста или ќе се зголеми.
15.08.2025
Кина со нов план за спас на пазарот на недвижности
Пекинг разгледува мобилизирање државни компании за купување непродадени станови, користејќи 300 милијарди јуани од фондовите на централната банка.
15.08.2025
Богатите со години вложуваат на црногорскиот брег - во што е тајната
Во најпрестижните делови на Црна Гора цените упорно растат.
14.08.2025
Статистиката на закупите покажува дека во првите три месеци од 2025 година биле изнајмени 781 деловен објект за нешто над половина милион евра и 39 индустриски објекти за 74.000 евра. Во истиот период биле закупени 640 стана за 160 000 евра.
Понудата е поголема од побарувачката
Дека интересот за изнајмување е поголеми отколку за купување потврдува и Катерина Николов, извршна директорка на „Фортон МКА“, консултантска компанија за комерцијален недвижен имот и бизнис-операции.
„Во Скопје секогаш има потреба од простор во централното градско подрачје, но ако го анализираме градот во целост има повеќе деловен простор отколку што има побарувачка“, вели таа во изјава за „Блумберг Адрија“.
Николов ги дели имотите на простор со комбинирана намена односно деловно-станбен простор и деловни центри изградени според соодветни стандарди за таков вид на објекти.
„Првите имоти се појавуваат на пазарот како интегриран дел од станбените згради и не претставуваат предмет на детална анализа за побарувачката. Идните закупци или купувачи за нив е тешко да се предвидат. За втората група, во зависност од големината и локацијата, потребно е прецизно планирање, поставување бизнис-план, исплатливост во вложувањето, време на полнење на зградата“, објаснува таа.
Кој купува?
Во изминатите две години двете најголеми трансакции за купување деловен простор во земјава се реализирани од две банки.
„Како потенцијални купувачи се појавуваат мал број на компании. Тоа се најчесто компаниите што имаат повеќе од 150 вработени и кои имаат поставено долгорочни стратегии за развој. Најголем интерес кога станува збор за купување има за самостојни објекти или простор исклучиво во рамките на деловни згради. Исклучоци има, но барањето на поголемите компании подразбира посебен влез, доволно паркинг-простор, атрактивна локација со добра социјална инфраструктура, лесна пристапност со автомобил, автобус, велосипед, без мешање на канцеларискиот со сегментот домување или шопинг“, објаснува Николов.
Кириите останаа исти
Во однос на ваквите барања закупците се пофлексибилни, но и тие најмногу се интересираат за А-класа на бизнис-центри, во централно градско подрачје.
„Закупецот што нема намера да изнајми простор во населбите надвор од централното градско подрачје, тешко дека ќе направи компромис, но во преговорите за проектите што се предмет на интерес ќе ги искористи информациите од пазарот во контекст на притисок за пониски закупнини“, вели Николов.
Цените на ваквите недвижности имаат сосем поинаква динамика од таа кај становите. Пазарот на станбен простор е воден од мотивот и менталитетот за поседување стан. Тоа е традиционален формат на инвестиција и при купување стан може, но не мора, да се земе предвид повратот на инвестицијата. Понатаму, како што објаснува Николов, отсуството на строги регулативи во користењето на станбениот простор дозволува истиот тој да се користи за различни намени, па оттука имаме и валиден бизнис-модел, што особено важи за атрактивни локации или локации во центарот на градот.
„Кај бизнис-просторот цените се формираат врз основа на потенцијалната закупнина, а закупнината не порасна во ниту еден дел на градот на тоа ниво да оправда зголемување на продажната цена по квадратен метар. Позначајни движења во овој сегмент очекуваме на среден рок од околу три години“, вели таа.
Малопродажни паркови наместо трговски центри
Онлајн трговците доживуваат експанзија, па оттука се поставува прашањето каква е иднината на трговските центри.
Николов вели дека во Скопје простор за трговски центри веќе нема, а сопствениците на трговските центри ќе можат слободно да дишат уште десетина години.
„Нашиот пазар сега ја поминува фазата што во соседството се работеше пред 10-15 години, тоа се малопродажните (ритеил) паркови. Пред шест години, ’Фортон МКА’ учествуваше во правењето на бизнис-планот, позиционирањето и обезбедувањето финансии за првиот малопродажен парк во земјава. Овој модел за неколку години ќе биде раширен низ секој град во Македонија“, вели таа.
Во моментов се работи на два нови малопродажни парка во Скопје, како и во Штип, Битола, Гостивар, Куманово. Во градовите пазарувањето ќе се концентрира во овие зони.
„Откако ќе се пополни капацитетот и за малопродажни паркови, тие ќе може да се трансформираат затоа што се дизајнирани на тој начин што да можат да трпат промени“, вели Николов.
Катерина Николов, извршна директорка на „Фортон МКА“/Блумберг Адрија
.webp){kind=icon}
Во моментов нема коментари за веста. Биди прв да коментира...