Најскапиот стан во четвртиот квартал од минатата година е продаден во скопската општина Центар по цена од 182.404 денари или близу 3.000 евра. За 83 метри квадратни купувачот платил вкупно 246.171 евра.
Според Регистарот на цени и закупнини, просечната цена на метар квадратен станбена површина во скопски Центар изнесува 110.224 денари, а најниската просечна цена е постигната во Струмица - 46.286 денари.
Најголем број продадени станови се евидентирани во општина Аеродром. Во последните три месеци од 2025 година таму се продадени 304 стана, додека, пак, најголем број продадени куќи (91) има на територијата на општина Битола.
Прочитај повеќе
Ако не купите ништо друго, колку плати ви се потребни за стан во земјава?
Растот на цената на становите далеку го надминува растот на платите. Последниот достапен податок за просечната плата на државно ниво покажува дека номинално заклучно со октомври таа пораснала за 9,8 отсто на годишно ниво. Но растот на цените на недвижностите на годишно ниво во 2025 година надминува 20 отсто.
15.01.2026
Цените на становите галопираат- 25 отсто раст на крајот на 2025 година
Во последниот квартал од годината, според податоците на Народната банка, цените на недвижностите се зголемиле за 25 отсто на годишно ниво. Во однос на претходниот квартал растот изнесува 3,2 отсто.
13.01.2026
Осамостојувањето е луксуз, младите живеат со родителите и во четвртата деценија
Во Бугарија, Ирска, Полска, Португалија и Шпанија околу 80 отсто од медијалната плата се потребни за изнајмување двособен стан. Во крајбрежните области во Шпанија и во Португалија за кирија е потреба цела медијална плата. Во туристичките места не се проблем само цените туку и тоа што становите сѐ почесто се изнајмуваат на краток рок.
13.01.2026
ЕУ со голем план против скапите станови – што прави Македонија?
Анализираме како Европската Унија ќе се бори против станбената криза, односно сѐ потешкото купување свој дом на нејзините граѓани.
13.01.2026
Во Регистарот на цени и закупнини, во периодот од октомври до декември 2025 година, на целата територија на државава регистрирани се 1.004 новоизградени станови, односно станови од инвеститор, што е за 159 станови повеќе од третиот квартал во 2025 година.
Исто така, во Агенцијата за катастар на недвижности досега се запишани 27.522 листови за предбележување градба што укажува дека овие објекти се во фаза на градба и наскоро ќе се најдат на пазарот на недвижности.
Се зголемил и бројот на закупи. Во периодот од октомври до декември регистрирани се 3.053 закупи што е 869 повеќе од претходниот квартал. Најголем број, 1.369, припаѓаат на станови по што следуваат 911 закупи на деловни простори, 399 закупи на куќи, 257 закупи на земјоделско земјиште и шуми ...
Според пресметките на Народната банка, во четвртиот квартал од минатата година недвижностите поскапеле за 25 проценти на годишно ниво. Во текот на целата 2025 година растот на цените надмина 20 отсто.
Стапките на раст во втората половина од ланската година се највисоки во последните 25 години.
Последните податоци од Државниот завод за статистика се за ноември лани, кога биле издадени 304 одобренија за градење за 16,9 проценти повеќе во однос на истиот месец од претходната година. Со нив предвидена е изградба на 761 станови, од кои 427 во Скопскиот Регион, 113 во Источниот, 82 во Југозападниот, 79 во Пелагонискиот, 38 во Полошкиот, 15 во Вардарскиот, 4 во Југоисточниот и 3 во Североисточниот Регион.
.webp){kind=icon}
