Не забавува растот на цените на становите. Во последниот квартал од годината, според податоците на Народната банка, цените на недвижностите се зголемиле за 25 отсто на годишно ниво. Во однос на претходниот квартал растот изнесува 3,2 отсто.
Минатата година беше рекордна кога станува збор за растот на цените на недвижностите. Стапките на раст беа најголеми во последните 25 години.
Најскапите станови се продаваат во скопски Центар. Според податоците на Агенцијата за катастар на недвижности за третиот квартал од минатата година, најскапиот стан во оваа општина достигнал цена од над 3.000 евра за метар квадратен (189.231 денари). Купувачот за 91 метар квадратен платил 280.000 евра.
Прочитај повеќе
Осамостојувањето е луксуз, младите живеат со родителите и во четвртата деценија
Во Бугарија, Ирска, Полска, Португалија и Шпанија околу 80 отсто од медијалната плата се потребни за изнајмување двособен стан. Во крајбрежните области во Шпанија и во Португалија за кирија е потреба цела медијална плата. Во туристичките места не се проблем само цените туку и тоа што становите сѐ почесто се изнајмуваат на краток рок.
13.01.2026
ЕУ со голем план против скапите станови – што прави Македонија?
Анализираме како Европската Унија ќе се бори против станбената криза, односно сѐ потешкото купување свој дом на нејзините граѓани.
13.01.2026
Стан во Скопје или акции од МБИ10: Која инвестиција носи поголема заработка?
Македонскиот берзански индекс е апсолутен победник на пазарот во последните пет години и е во пораст од 178 проценти.
24.12.2025
Дали иселениците купуваат - расте продажбата на станови во помалите градови
За разлика од Скопје, каде што побрзо растат цените, во помалите градови побрзо расте продажбата. А најголем број станови се продадени во општините со најголем број иселеници.
19.12.2025
Градежниците велат дека непредвидливоста е таа што ги држи цените високи. Сериозен проблем е и тоа што се анализираат цените само во атрактивните општини, а потоа тоа се рефлектира на останатите. И следен поголем проблем што ја диктира високата цена се половните станови кои се продаваат по цени исти како и новоградбите.
„Ние се соочуваме со проблем да немаме доволно понуда на недвижности со различна вредност, на различен тип на локации. Сите анализи се прават само за централното подрачје, а останатите потоа го следат трендот. Трендот го следат и продавачите на половни недвижности. И тие создаваат притисок на пазарот со тоа што продаваат по високи цени како за нови станови. Сметам дека е потребна едукација на купувачите – треба да прават добра процена за тоа што го добиваат во однос на тоа што го вложуваат“, рече Ивица Јакимовски, претседател на Градежна комора во разговор за ТВ Блумберг Адрија.
Најатрактивните општини според Регистарот на цени и закупнини остануваат скопските каде и во третиот квартал се евидентирани најмногу продажби. Во општина Аеродром се продадени 275 станови, во Центар се продадени 236 станови, 133 во Чаир, 121 во Гази Баба, 114 во Кисела Вода, 103 во Карпош …
.webp){kind=icon}
