Судот оцени дека администрацијата на Трамп може да продолжи со воведување такса од 100.000 долари за нови апликации за визи Х-1Б, што претставува удар за американските технолошки компании што се потпираат на вработување висококвалификувани странски работници.
Судијката од Окружниот суд на САД, Берил Хауел, во одлука донесена во вторникот наведе дека потегот на претседателот Доналд Трамп драстично да ја зголеми цената на оваа популарна виза е законски. Со одлуката ѝ се дава поттик на кампањата на администрацијата за ограничување на имиграцијата и зголемување на побарувачката за американска работна сила. Американската стопанска комора, која поднесе тужба со цел да ја блокира мерката, има право на жалба.
Добро утро, во продолжение нудиме уште неколку вести кои се важни за ова утро.
Сезона на К-15 и бонуси: каде ги инвестираат овие пари Македонците?
Регрес за годишен одмор, тринаесетта плата, бонус за успешност, корпоративни награди...декември е месец кога вработените во фирмите, особено оние што работат успешно, добиваат од работодавците новогодишна „честитка“ чијшто износ зависи од тоа дали сте обичен вработен или пак висок менаџер што може да добие бонус во износ поголем и од неговата годишна плата.
Дали и каде ги инвестираат овие екстра приливи македонските граѓани? Повторно, зависи дали сте од мнозинството коишто може да се надеваат само на регресот за годишен одмор или пак сте во категоријата попривилегирани што добиваат и 13 плата, бонуси, итн.
Да, дигитализацијата е скапа за малите македонски фирми
Неопходноста од дигитализација е кристално јасна во денешниот развиен и динамичен свет за да се одржи чекор и да се остане конкурентен на пазарот. И постојано се зборува и пишува за тоа. Но што всушност значи инвестицијата во дигитализација? Или, поточно, што значи за малите бизниси вложувањето во дигитализација? И дали тие можат да си го дозволат тоа?
Процесот на дигитализација не е ниту едноставен ниту евтин, а патот што треба да се изоди за, условно кажано, да се модернизира работата во реалноста, или поточно во нашата македонска реалност, е полн со пречки. Пишуваме за предизвиците на малите компании на патот кон дигитализација.
САД се закануваат со трговски мерки поради европските ЕСГ-правила
ЕСГ-рамката на Европската Унија, која по години длабоки кратења денес е само бледа сенка на она што некогаш беше, повторно се најде на удар на закани од Соединетите Американски Држави.
Во фокусот на спорот е таканаречената екстратериторијална примена на Директивата за корпоративно известување за одржливост, ЦСРД (CSRD) и Директивата за должна внимателност во областа на корпоративната одржливост, ЦСДДД (CSDDD). Европската Унија неодамна постигна договор со кој повеќе од 80 отсто од компаниите што претходно беа опфатени со овие правила се изземени од нивната примена. Истовремено, договорено е регулативата и понатаму да важи за големите странски компании што работат на европскиот пазар.
„Би-пи“ планира продажба на мнозинскиот удел во „Кастрол“ вреден 10 милијарди долари
„Би-пи“ (BP Plc) постигна договор за продажба на мнозински удел во „Кастрол“ (Castrol) на американската инвестициска фирма „Стоунпик“ (Stonepeak Partners), при што бизнисот е проценет на 10,1 милијарди долари, вклучувајќи го и долгот. Британскиот нафтен гигант ќе се откаже од 65 отсто од уделот во бизнисот со моторни масла, со што ќе обезбеди околу шест милијарди долари приходи, соопшти компанијата.
Оваа зделка претставува значаен дел од планот на „Би-пи“ за продажба на средства во вредност од 20 милијарди долари до крајот на 2027 година во обид да ги подобри повеќегодишните слаби деловни резултати.
Европските медиумски гиганти се соочуваат со двојна закана од ВИ и ниската побарувачка за реклами
Најголемите европски издавачи и радиодифузери се соочуваат со тешка 2026 година, при што вештачката интелигенција (ВИ) се заканува да ги наруши деловните модели, а глобалната неизвесност ги намалува буџетите за рекламирање.
Податоците на „Блумберг интелиџенс“ покажуваат дека подиндексот за медиуми и забава на Stoxx Europe 600 се очекува да забележи раст на заработката од 6,9 проценти во 2026 година, што е во спротивност од очекуваното темпо од 10 отсто за поширокиот индекс.
.webp){kind=icon}
