„Фолксваген тајрон“: Помалку теренец, повеќе семеен крузер

Меѓу практичните предности на „тајрон“ (Tayron) секако се неговите теренски способности. Погонот на сите четири тркала и двестете милиметри растојание од тлото му овозможуваат без поголеми проблеми да совладува и неуредени патишта. Сепак, просторноста, практичноста и употребливоста се уште поважен дел од неговата приказна. Покрај одличната ергономија, позната од другите модели на „Фолксваген“ (Volkswagen), и германскиот квалитет на изработка, особено се истакнуваат импресивните 850 односно дури 1.905 литри простор во багажникот на овој теренец долг 4.792 милиметри.

Спротивна пропорционалност на практичноста

Кога станува збор за багажникот и бројот на патници што теренецот може да ги превезува, треба да се нагласи дека постои обратна пропорционалност - колку е багажникот поголем толку е помал бројот на патници, а пониска е и цената. За дополнителниот трет ред седишта е потребно да се доплатат 935,91 евра.

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

 

Пристапот до третиот ред е овозможен со преклопување на седиштата во вториот ред, што е едноставно и не бара многу напор. Самиот премин е нешто понезгоден, бидејќи нема премногу простор, па на возрасните за провлекување до задната клупа ќе им биде потребна доста голема подвижност. Седиштата во третиот ред во принцип се удобни, а задоволителен е и просторот за колената и главата, но, рака на срце, првенствено се наменети за деца. Во таква конфигурација, багажниот простор се намалува на само 345 литри.

Сосема друга приказна е вториот ред со три седишта, кои може да се поместуваат надолжно, како и според наклонот на потпирачот. Тука до израз доаѓа продолженото меѓуоскино растојание од 2,79 метри, кое обезбедува изобилство простор. Не недостига ниту место за одлагање - има како на потпирачите на предните седишта така и во вратите.

Ако останеме кај задниот дел од автомобилот, големиот багажник со двојно дно е квалитетно обложен и има правилна форма, додека електричната врата на багажникот може да се отвора и затвора и со движење на стапалото. Воопшто, главна карактеристика на овој теренец, кој го заменува продолжениот „тигуан олспејс“ (Tiguan Allspace) и по заминувањето на „туарег“ (Touareg) го зазема врвот на понудата на марката, се практичноста и употребливоста, со кои оди и економичноста.

Изгледот лаже... или можеби не...

Однадвор - но и во возењето - „тајрон“ не ги крие своите раскошни димензии, па животот со него во преполните градски центри ќе биде нешто посложен, иако во тоа помагаат паркинг-асистентите, камерите АВ (Area View) за прикажување на околината на возилото и генерално одличната прегледност благодарение на големите стаклени површини. Дополнителните 26 сантиметри должина во однос на „тигуан“ не носат само значително пространа кабина туку и земаат данок кога станува збор за маневрирањето.

Надворешноста на новиот „тајрон“ очекувано ја следат карактеристиките на освежениот дизајнерски јазик на марката, меѓу кои се сериските сплескани матрични ЛЕД-фарови со автоматско приспособување на силниот светлосен сноп, впечатливиот светлосен потпис во форма на лента, како и осветлените логоа напред и назад.

Предниот длабок спојлер обложен со црна пластика е толку масивен што изгледа како под хаубата да се крие мотор со високи перформанси што го голта секој кубик воздух, а не рационален четирицилиндричен турбодизел.

Ентериерот исто така во најголем дел е преземен од другите современи модели на „Фолксваген“, вклучувајќи ја рачката на менувачот покрај воланот, со што е ослободен поголем простор за одлагање, како и ротирачкиот регулатор на централната конзола со кој се приспособува јачината на звукот и се избира режимот на возење. Со оглед на сличните решенија кај другите марки, би очекувал нешто поголема функционалност и искористеност на таквиот регулатор. Завршната обработка е германски беспрекорна, додека комбинацијата и преминот меѓу алкантара, кожа, мека и „пијано црна“ пластика се складни и промислени.

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

Aleš Kovačič

Погледнете ја галеријата

 

Ергономијата на возачкото опкружување, вклучувајќи ги предните седишта, кои електрично се приспособуваат, вентилираат и имаат опција за масажа со доволна странична потпора, се удобни како добро скроен капут. Нема изненадувања ниту иновативни решенија што се сами по себе цел - какви што кај „Фолксваген“ некогаш беа хаптичките команди на воланот - и можеби така е и најдобро. Сè е на своето место и во соодветни пропорции, па ништо непотребно не го одвлекува вниманието на возачот од патот.

Пред возачот се наоѓа помал дигитален екран со прегледни инструменти и приспособлив приказ на различни податоци за возењето, а над него сериски ХАД (head up display/ HUD). Со централниот дел од контролната табла доминира 15-инчен мултифункционален екран чувствителен на допир. Неговото вклопување во ентериерот можеби не е врв на естетиката, но, како и остатокот од автомобилот, е подредено на функционалноста. Управувањето е интуитивно, менијата се логични, а корисникот има голема слобода во приспособувањето на одделни функции.

 

 

Помалку теренец, повеќе семеен крузер

За разлика од претходните тестови, моторот и возните карактеристики на „тајрон“ овој пат се нешто помалку во прв план. Не затоа што нешто не е во ред со нив, туку едноставно затоа што станува збор за проверена и добро усогласена комбинација на познатиот 2,0-литарски концернски турбодизел и погонот на сите четири тркала со спојка „халдекс“ (Haldex).

Работата на погонскиот склоп и возните карактеристики се подредени на улогата на семеен крузер, кој наместо совладување беспаќа и редење кривини, поголемиот дел од времето ќе го поминува голтајќи километри на автопат. „Тајрон“ во кривините поради повисокото тежиште брзо ги покажува своите ограничувања, со поизразено навалување на каросеријата, додека управувачкиот систем не е особено комуникативен. Сепак, со оглед на концепцијата на автомобилот, и навалувањето и помалку комуникативниот волан се сосема разбирливи и остануваат во прифатливи граници.

Четирицилиндричниот мотор развива 142 kW и уште поубедливи 400 Nm вртежен момент, што е особено добредојдено при влечење приколка, додека за преносот на силата е задолжен добро познатиот седумстепен автоматски ДСГ. Максималниот вртежен момент е достапен во широк опсег меѓу 1.750 и 3.250 вртежи, поради што погонот дејствува еластично, додека брзиот и респонзивен менувач сето тоа складно го поврзува. Последната генерација на ДСГ со двојна спојка, во однос на мазноста на промената на степените на пренос и континуитетот на работата, без сомнение спаѓа меѓу најдобрите на пазарот. Бучавата и вибрациите на дизел-моторот при умерено возење во добро звучно изолираната кабина практично се незабележливи, што сепак не може да се каже за шумот од ветерот при поголеми брзини.

Релативно високиот степен на компресија од 16,0:1 на четирицилиндричниот дизел, покрај доволната резерва на вртежен момент, овозможува и ниска потрошувачка на гориво, која на тестот се движеше околу завидни шест литри. При одлучно притискање на педалот за гас, „тајрон“ тежок речиси 2,4 тона реагира очекувано тромо, но комбинацијата на моторот и менувачот никогаш не дејствува недораснато на задачата ниту неодлучно, туку токму во согласност со очекувањата и намената на автомобилот.

Цената на тестираниот „тајрон“ со пакетот опрема 4JOY и подолгиот список дополнителна опрема достигнува 64.454 евра, што, имајќи ги предвид просторноста, погонот на сите четири тркала и нивото на опременост, е оправдан износ за сестран семеен крузер.

- Цените на возилата варираат во зависност од понудата на дистрибутерот на различните пазари.