Кинеската БЈД (BYD) вчера го претстави својот најскап автомобил - целосно електричен суперавтомобил со високи перформанси и вредност од 1,68 милиони јуани (233.450 долари) кој треба да им парира на луксузните опции што ги нудат ривалите како „Ферари“ и „Ламборгини“.
„Јангван У9“ првично ќе биде наменет исклучиво за кинескиот пазар, соопшти компанијата на настанот во Шангај што се емитуваше во живо. Автомобилот може да достигне 100 km/h (62 mph) за 2,36 секунди и да достигне максимална брзина од 309,19 km/h.
БЈД стана најголемиот продавач на електрични во светот претекнувајќи ја „Тесла“ во последниот квартал од 2023 година.
Прочитај повеќе
БЈД најавува нов откуп на акции и повеќе луксузни модели
БЈД (BYD) планира да откупи повеќе акции, објави производителот на автомобили во неделниот извештај.
19.02.2024
БЈД го надмина „Фолксваген“ и стана најпродаван автомобилски бренд во Кина
БЈД официјално го престигна „Фолксваген“ како најпродавана марка на автомобили во Кина за 2023 година.
23.01.2024
Кинески БЈД станува најпопуларен производител на електрични возила во светот
БЈД забрзано се приближува до водечката позиција во светската продажба на електрични возила.
28.12.2023
Кинески БЈД во Унгарија ќе ја отвори првата европска фабрика
Кинескиот производител на електрични автомобили БЈД (BYD) планира да ја изгради својата прва европска фабрика за автомобили во Унгарија.
22.12.2023
Со оглед на тоа што во Кина се наѕира ценовна војна по Лунарната Нова Година, гигантот од Шенжен се обложува дека земјата останува пазар за производи од висока класа кои обезбедуваат подобри маржи.
Други скапи електрични возила под брендот „јангванг“ треба да бидат лансирани подоцна оваа година во Кина, вклучително и луксузен седан кој ќе чини околу еден милион јуани.
„Јангванг“ почна да испорачува автомобили кон крајот на ноември. Досега има еден сериски модел, луксузен СУВ познато како У8 кое чини 1,1 милион јуани. Компанијата испорача 3.653 единици до крајот на јануари.
Акциите на БЈД денес скокнаа за дури 4,7 проценти во Хонг Конг откако претседателот Ванг Чуанфу предложи удвојување на откупот на нејзините акции со кои се тргува во Кина на 400 милиони јуани. Компанијата рече дека овој потег може да ја зголеми довербата на инвеститорите и да ја стабилизира и подобри вредноста на компанијата.
Акциите на производителот на автомобили на берзата во Хонг Конг паднаа за 12 проценти оваа година, бидејќи инвеститорите ги казнуваат акциите на проиводителите на електрични возила поради загриженоста дека намалената побарувачка ги принудува компаниите да ги намалат цените што влијае на маржите.
Компанијата објави освежување на постоечката линија користејќи ја ознаката „електриката е поевтина од нафтата“, намалувајќи ги и цените. „Морган Стенли“ во белешка од 19 февруари рече дека потегот најверојатно ги таргетира брендовите и моделите на мотори со согорување, вклучително и „Нисан“ (Nissan Motor Co.) и „Тојота“ (Toyota Motor Corp.)
.webp){kind=icon}
