Летни придружници - часовници за авантури на отворено од три до пет илјади евра

Последниве години луксузните часовници сè помалку живеат во светот на формалноста, а сè повеќе во ритамот на секојдневното движење, патувања и престој на отворено. Се создава категорија што индустријата сè почесто ја опишува како „аутдор луксуз“ - часовници што мора да бидат еднакво сигурни во вода, на сонце или планинска патека, колку и во урбана средина или при вечерно излегување.

За разлика од класичните или комплексните (и значително поскапи) колекционерски модели, овие часовници ставаат акцент на функционалноста, без откажување од дизајнот. Лесни материјали како титаниум, зголемена водоотпорност, луминесцентни детали и сè почесто соларни или хибридни механизми стануваат стандард, додека естетиката останува доволно рафинирана за часовникот да го задржи статусот на луксузен предмет.

„Таг Хојер“ (TAG Heuer) со новата колекција „Акварејсер соларграф“ (Aquaracer Solargraph) за 2026 година се вклопува во таа промена. Брендот од портфолиото на ЛВМХ (LVMH), кој од минатата година го замени „Ролекс“ (Rolex) како официјален партнер за мерење време во Формула 1 во спонзорски договор вреден милијарда долари, дополнително ја зацврстува својата позиција во сегментот што спојува спортска функционалност и лајфстајл дизајн.

TAG Heuer Aquaracer Professional 200 Solargraph од титаниум. Индексите и стрелките се обложени со розово злато (3.800 евра) TAG Heuer

 

Во рамките на пошироката селекција на спортски часовници од „Таг Хојер“, „акварејсер соларграф“ ја зазема позицијата на најлуксузно ориентиран модел. Тој ја спојува нуркачката ДНК на брендот со секојдневна носливост и естетика приспособена на модерен, активен начин на живот.

За разлика од побрзите и тркачки фокусирани колекции како „Карера“ (Carrera) или линијата „Формула 1“ или, пак, „таг хојер конектед калибар Е4“ (TAG Heuer Connected Calibre E4) за голф од 1.700 евра, „акварејсер“ останува најблизок до универзалниот концепт: доволно робустен за вода и екстремни услови, но и доволно дискретен за секојдневно носење. Технологијата соларграф дополнително го издвојува, бидејќи воведува речиси целосна зависност од светлината како извор на енергија, што го прави еден од најнепретенциозните модели во понудата - ја елиминира потребата од класични батерии и ја нагласува идејата за часовник како безгрижен сопатник во движење.

Новата линија е поделена во две насоки: женствен „акварејсер порфешнал 100 соларграф“ (Aquaracer Professional 100 Solargraph) инспириран од трендот часовник како накит и поробустен, технички ориентиран  „акварејсер порфешнал 200 соларграф“ (Aquaracer Professional 200 Solargraph) за мажи. Ценовно, распонот од 3.000 до нешто над 5.000 евра за модел со 48 дијаманти претставува „слатка средина“ за добар дизајн и практичност во едно.

Женски модели: како парче накит, но и практичен спортски придружник

Најскапиот TAG Heuer Aquaracer Professional 100 Solargraph има обрач и индекс со дијаманти (5.300 евра)  TAG Heuer

Женската линија во формат од 28 милиметри изгледа како да е замислена за лето - лесна, светкава, но доволно издржлива за цел ден во движење.

Најпрво се забележува бројчаникот од седеф, кој ја фаќа светлината и ја менува од секој агол - од ладнобел сјај до потопли, млечни тонови. На некои референци, 12 дијамантски индекси ги заменуваат класичните маркери за часови, давајќи му на часовникот речиси изглед на накит, додека стрелките се обложени со 18-каратно жолто злато.

Женскиот модел, кој чини 3.255 евра, има куќиште од не’рѓосувачки челик со дијаметар од 28 мм, светлечки бел бисерен бројчаник со 12 кружни дијамантски индекси TAG Heuer

Најексклузивните верзии одат чекор понатаму: обрачот со дијаманти (вкупно 48 камења) додава блескав ефект, но без губење на геометриската дисциплина и функционалноста на „акварејсер“.

Водоотпорноста до 100 метри дополнително го преместува од сферата на луксуз во реален, секојдневен летен живот - море, базен, езеро, без грижа за сопатникот на зглобот.

Машки модели: „алатка“ што не бара внимание, но секогаш е подготвена

Машките модели се движат од 3.050 до 3.600 евра TAG Heuer

Куќиштето од 40 милиметри доаѓа во изработка од титаниум или челик, а пескарената завршница му дава мат, силен изглед - часовник што изгледа како да е направен да издржи сè, но без непотребна агресивност во дизајнот. Титаниумот особено придонесува за чувство на леснотија, што го прави погоден за целодневно носење во летни услови.

Бројчаниците во сина, зелена и црна варијанта имаат хоризонтална текстура што ја фаќа светлината и создава ефект на длабочина, речиси како бранови или линии на ветер на вода. Индексите обложени со родиум придонесуваат часовникот да „свети“ во мрак, додека поларно сината централна стрелка додава дискретен, но препознатлив визуелен потпис.

Обрачот, изработен од титаниум или челик, ја задржува функционалната еднонасочна ротација - детаљ што потсетува дека ова и понатаму е моќна „алатка“, не само додаток. Водоотпорноста до 200 метри отвора простор за посериозни спортски активности: нуркање, пливање, планинарење.