Цените на чантите Шанел (Chanel), вклучувајќи го и култниот модел „флеп“ (flap) може дополнително да се зголемат во септември, се вели во најавата на највисокото раководство на оваа модна куќа. „Шанел“ редовно, најчесто два пати годишно ги анализира цените на чантите и тоа во март и септември. Во март оваа година, како што соопшти Филип Блондјо (Philippe Blondiaux) директор за финансии, компанијата ги зголеми ширум светот цените на чантите за 8 отсто во просек.
Класична чанта со средна големина во Франција моментално чини 9.700 евра, што е за 1.900 евра повеќе од пред 18 месеци. За споредба, чантата Хермес Биркин (Hermes Birkin) од 25 сантиметри моментално се продава за околу 8.000 евра.
„Шанел“ планира да продолжи со политиката на зголемување на цените во согласност со растот на производствените трошоци, земајќи ги предвид и валутните флуктуации. Целта на модната куќа е да ги минимизира разликите во цените на ист производ во различни региони. „Ова се двата фактори кои ќе влијаат на тоа дали ќе ги промениме цените или не до крајот на 2023 година“, рече Блондјo. Тој додаде дека поскапувањата во март значително варирале од земја до земја.
Хермес, пак, обично ги ревидира цените на производите еднаш годишно, на почетокот на годината. Годинава во јануари ги зголемија просечните цени на производите за 7 отсто.
.webp){kind=icon}
