.webp){kind=icon}
Манекенките што ја најавуваат следната сезона прошетаа на модните писти обуени во чевли со високи потпетици, сандали со ниски потпетици, популарно наречени китен хилс (kitten heels), и во балетанки, од кои сите, без разлика на висината на потпетиците, се стеснуваат во шпиц. Во новата колекција, „Гучи“ (Gucci) доминира во овој тренд, нудејќи низа шпицести чевли украсени со колоритни детали и бои што ги истакнуваат елегантните потпетици. Носителот на колекцијата - сините полусандали (1.250 долари), изработени од кожа што изгледа како крокодилска - си поигрува со новиот тренд така што малку ја омекнува острината на врвот, како квадрат.
КОНКУРЕНЦИЈА
• „Џорџо Армани“ (Giorgio Armani) ги претстави совршените лакирани мокасини (925 долари) за наесен. Има остро профилиран шпиц, кој додава елеганција, и шик-тока со дискретно лого.
• „Спектадиор памп“ (Spectadior Pump) на „Кристијан Диор“ (Christian Dior) (1.550 долари) се необичен пресврт во споредба со класичниот модел „Мери Џејн“ (Mary Jane). Се одликува со тенка платформа, заоблени потпетици и двобоен црно-бел дизајн.
• Карактеристичниот модел на салонки „Ева“ (Eva) од „Ферагамо“ (Ferragamo) (980 долари) има несекојдневна потпетица што го следи лакот на стапалото.
ГЛАМУР ВО КАНЦЕЛАРИЈА
Сандалите на „Гучи“ со потпетици со средна висина се повеќе од обични чевли; тие се моден додаток што привлекува внимание, кој ќе стане главна тема на секој моден разговор - дури може да предизвика и коментари на улица.
Во прекрасна сина боја на сафир, квадратниот врв на чевлите е споен со метални потпетици за да ги истакне зрелоста и ретровибрациите. Детаљот со златна глава на тигар, заштитен знак на куќата, може да внесе допир на живост дури и при најконзервативниот изглед на работа. Овие чевли се достапни во одредени продавници на „Гучи“ низ светот и чинат 1.250 долари.
