Акциите на компаниите на луксузните брендови добија удар во Европа пред една недела, откако „Шанел“ предупреди дека индустријата се подготвува за потешки времиња, а аналитичарите рекоа дека гледаат зголемен притисок врз профитните маржи на ексклузивниот бренд.
Индексот Euro Stoxx Luxuri 10 падна за цели 1,9 проценти, најмногу за околу еден месец, откако „Шанел Лтд“ (Chanel Ltd.) ги објави финансиските резултати за 2023 година. Додека добро познатата куќа за мода, козметика и накит забележа двоцифрен раст на продажбата и профитот, вниманието е насочено кон предупредувачкиот тон за бизнисот во перспектива.
„По три години исклучителен раст во нашата индустрија, сега влегуваме во попредизвикувачко опкружување“, рече Филип Блондијек, глобален финансиски директор на „Шанел“.
Прочитај повеќе
Како „Гучи“ испадна од модната писта
Околу 50 отсто од продажбата на „Керинг“ доаѓа од „Гучи“, што значи дека кога брендот работи лошо, перформансите на компанијата се исто така лоши.
15.05.2024
Дали „Луј Витон“ ќе го продаде „Марк Џејкобс“?
Брендот на пристапен луксуз привлекува интерес кај инвеститорите.
11.05.2024
Армани не исклучува спојување или ИПО во планот за сукцесија
Култниот моден дизајнер, размислува за големи промени во неговата модна империја бидејќи се приближува до својот 90-ти роденден.
24.04.2024
Претседателот на „Валентино“ предвидува крај на ерата на „тивкиот луксуз“
Рашид Мохамед Рашид предвидува дека богатите потрошувачи повторно ќе сакаат смели дизајни.
28.04.2024
Луксузните акции беа нестабилни од почетокот на оваа година, при што предупредувањата од компаниите како „Керинг СА“ (Kering SA) предизвикаа загриженост кај потрошувачите да размислат двапати пред да трошат. Постпандемиското закрепнување на клучниот кинески пазар исто така беше колеблибливо. Ниту покачените проценки не помогнаа, бидејќи секторот тргува над неговиот историски просек од цена до заработка и неверојатна премија од 100 отсто на поширокиот пазар.
Bloomberg
Во истиот период, „Хермес“ (Hermes International) ослабна за дури 4,3 отсто, додека „Керинг“ (Kering) падна за 2,4 отсто, ЛВМХ (LVMH Moet Hennessy Louis Vuitton SA) за 2,1 проценти, а „Ричмонт“ (Richemont) за 1,9 проценти.
Спротивно на тоа, акциите на производителот на козметика „Лореал“ (L'Oreal SA) се зголемија за дури 1,7 отсто, бидејќи компанијата соопшти дека нејзиниот сектор за мириси и убавина забележал „многу силен раст“ во сите категории. Ова беше поттикнато од континуираното враќање на патувањата и дополнителното зголемување на побарувачката од локалните клиенти, се вели во соопштението на компанијата.
Аналитичарот на „ЦИЦ Маркет“ (CIC Market Solutions), Дејвид Да Маја, верува дека оперативните приходи на „Шанел“ се намалени за повеќе од 100 базични поени поради зголемувањето на трошоците за маркетинг од 20 отсто.
„Групацијата се повикува на понеповолното пазарно опкружување во 2024 година и не дава никакви назнаки - за разлика од претходните години - за нејзините перформанси во последните месеци, што сугерира дека нејзиниот раст очигледно е забавен од почетокот на годината, во согласност со секторот како целина“, рече Да Маја во својот коментар.
.webp){kind=icon}
