Часовници во виолетови нијанси - тренд што храбро го избираат „Ролекс“ и „Патек“

Иако виолетовата боја честопати се смета за кралска, со децении ретко ги красеше бројчаниците на часовниците, како жртва на застарени претстави за машкиот идентитет што долго време доминираа во индустријата. За среќа, оваа нијанса полека се пробива во мејнстримот. Кога спектарот го прошируваме на виолетова, лаванда и индиго, јасно е дека виолетовите часовници се во подем.

„Ролекс“ (Rolex) уште во 2018 година го претстави моделот „дејџаст“ (Datejust) во нијанса на модар патлиџан. Брендови како „Одемар Пиге“ (Audemars Piguet), МБФ (MB&F) и „Патек Филип“ (Patek Philippe) почнаа да ја прифаќаат оваа боја околу 2022 година, кога ПЦИ (Pantone Color Institute) ја прогласи нијансата перивинкл, вери пери (periwinkle, Very Peri) за боја на годината. „Патек“ минатата година го лансира „твенти~4“ (Twenty~4) во розово злато со лакиран бројчаник во боја на слива, додека „Де Бетун“ (De Bethune) го претстави „прпл рејн“ (DB28xs Purple Rain) - впечатлив часовник со куќиште и бројчаник изработени од термички оксидиран титан во виолетова нијанса.

На „ЛВМХ воч вик“ (LVMH Watch Week) во јануари неколку бренда му се придружија на овој тренд, вклучувајќи го „Таг хојер“ (TAG Heuer) со бројчаник во градација на виолетова боја на моделот „карера хронограф“ (Carrera Chronograph Tourbillon). „Изразeните бои се важни додека тежнееме кон иновативен изглед што купувачите го сакаат“, вели извршниот директор Ентони Пин.

Трендот не покажува знаци на забавување. На саемот „Вочес енд вондерс“ (Watches and Wonders) во Женева во април, нијанси на аметист се појавија на бројчаниците, деталите и драгоцените камења, а уште во декември и на куќиштето од сафирен кристал кај часовникот од „Ришар Мил“ (Richard Mille) вреден 2,5 милиони долари.

„Вашерон константин тардисионал мун фејз“ (Vacheron Constantin Traditionnelle Moon Phase)

Со механизам за рачно навивање од сопствено производство, овој часовник од 36 милиметри во 18-каратно розово злато (на сликата погоре) ги прикажува часовите, минутите и секундите, има индикатор за резерва на енергија и прецизен приказ на месечевите мени - со рамка украсена со 80 брилијанти (околу 1,13 карати). Деталите во боја на малина на бројчаникот од седеф во најсветла розова нијанса се дополнети со виолетов ремен. (43.750 евра)

„Таг хојер карера хронограф турбијон“ (TAG Heuer Carrera Chronograph Tourbillon)

Со издигнато „гласбокс“ (glassbox) сафирно стакло и виолетов бројчаник опточен за сончев ефект, со црни подбројчаници, овој часовник од 42 милиметри создава нежен визуелен впечаток, кој контрира на техничката сложеност. Ограниченото издание од 200 примероци во не’рѓосувачки челик го придвижува механичкиот механизам „хојер 02 турбијон“ (Heuer 02 tourbillon). (34.850 евра)

„Ле регулатер луј ерар х кудоке“ (Le Régulateur Louis Erard x Kudoke)

Часовникот од 42 милиметри во челик (на сликата погоре), со одвоени подбројчаници за часови и минути, е резултат на соработка меѓу швајцарскиот бренд „Луј Ерар“ (Louis Erard) и германскиот „Кудоке“. Стрелките од син челик драматично се истакнуваат на мат-виолетовиот бројчаник. Ќе бидат произведени само 78 парчиња. (5.250 евра)

„Ролекс дејтџаст 36“ (Rolex Datejust 36)

Rolex Datejust 36. Извор: Rolex

Изработен од челик „ојстерстил“ (Oystersteel) и 18-каратно бело злато, овој 36-милиметарски „дејтџаст“ има белезица „џубили“ (Jubilee), римски броеви со дијаманти на позициите 6 и 9, прозорец за датум со киклоп-леќа и бројчаник во нијанса на модар патлиџан. Водоотпорен е до 100 метри, а придвижуван од автоматски механизам „перпетуал“ (Perpetual). (11.740 евра)

„Ришар мил РМ 07-02 автоматик сафир“ (Richard Mille RM 07-02 Automatic Sapphire)

Richard Mille RM 07-02 Automatic Sapphire. Извор: Richard Mille

Куќиштето од виолетов сафир на најновиот моде лРМ 07-02 бараше повеќе од 1.000 часа обработка. Закривеното куќиште открива внатрешен автоматски механизам, а базата и мостовите се изработени од розово или бело злато. Ќе бидат произведени само седум примероци во оваа боја. (2.515.000 евра)

„Ејџ мозер енд си ендевор центер секондс концепт“ (H. Moser & Cie. Endeavour Centre Seconds Concept)

H. Moser & Cie. Endeavour Centre Seconds Concept. Извор: H. Moser & Cie.

Овој 40-милиметарски часовник на независниот швајцарски бренд „Ејџ Мозер енд Си“ (H. Moser & Cie) има бројчаник од емајл во нијанса прпл хејз (Purple Haze) со текстуриран ефект. Куќиштето е челично, а часовникот го придвижува автоматски механизам ХМЦ 201 (HMC 201). Ограничено издание од 20 примероци. (29.700 долари)

„Жежер ле котур реверсо трибјут енамел шанаме“ (Jaeger-LeCoultre Reverso Tribute Enamel Shahnameh)

Jaeger-LeCoultre Reverso Tribute Enamel Shahnameh. Извор: Jaeger-LeCoultre

Едицијата од моделот „метри рар реверсо“ (Métiers Rares Reverso) прикажува минијатурно сликарство, емајл и гравури што ги изработуваат врвни мајстори. Часовникот му оддава почит на персискиот еп чие име го носи, а верзијата од лаванда (ограничена на само 10 парчиња) содржи комплексен цветен мотив насликан рачно на задната страна. Куќиштето е од 18-каратно бело злато, со рачно навивање. (136.000 долари)

„Убло биг бенг мастер оф сафир“ (Hublot Big Bang 20th Anniversary Master of Sapphire)

Hublot’s Big Bang 20th Anniversary Master of Sapphire. Извор: Hublot

Во рамките на колекцијата по повод 20 години од линијата „Биг бенг“ (Big Bang), овој 44-милиметарски „убло“ во виолетов сафир има ремен од проѕирен силикон во истата нијанса. Го придвижува рачен механизам „скелетон“ (skeleton) ХУБ1201 (HUB1201), со резерва на енергија од 10 дена. Достапен исклучиво како дел од сет од пет часовници во различни бои на сафир. (605.000 долари)

„Вилбур и ко лео ЏВ1.6 супервајолет“ (Wilbur & Co. Leo JW1.6 Superviolet)

Wilbur & Co. Leo JW1.6 Superviolet. Извор: Wilbur & Co.