Препродавачите на луксузни часовници велат дека забележуваат зголемен интерес за нивните производи, додека САД се подготвуваат да воведат царина од 31 отсто на швајцарскиот извоз.
Џон Рирдон, основач и извршен директор на „Колектабилити“ (Collectability), онлајн платформа за продажба на половни и винтиџ часовници од марката „Патек Филип“ (Patek Philippe), вели дека клиентите сè почесто му се јавуваат со желба веднаш да купат часовници.
„Нивната логика е дека ’Патек’ е подобар од злато, подобар од биткоин и секако подобар од пари во банка“, вели Рирдон. Часовниците од оваа марка, кои обично чинат десетици илјади долари, се меѓу најбараните во светот.
Прочитај повеќе
„Вашерон Константин“ го претстави најкомплексниот рачен часовник во светот
Со 1.521 компонента, 41 компликација и 13 пријави за патенти, новиот рачен часовник на „Вашерон Константин“ ги поместува границите не само во однос на компликациите и иновациите, туку и на полето на минијатуризацијата.
06.04.2025
Како изгледа кога „Ролекс“ прави нов часовник: Ви го претставуваме „ленд двелер“
Луксузниот бренд на часовници што ретко ни дозволува да ѕирнеме зад сцената, ексклузивно ни го откри долгиот и макотрпен процес што доведе до создавање на моделот „ролекс ојстер перпетуал ленд двелер“.
05.04.2025
„Ролекс“ ги поскапи часовниците на почетокот од годината
„Ролекс“, најголемата луксузна швајцарска марка за часовници, ги зголеми цените поради порастот на вредноста на златото.
02.01.2025
„Ролекс“ сега и официјално продава половни часовници, но тоа ќе ве чини
„Ролекс“ ја нарекува програмата „Сертифицирано користено“, а за купувачите е најважно да знаат дека часовникот што го купуваат дефинитивно е од „Ролекс“, а не фалсификат.
24.09.2024
Портпаролката на компанијата „Патек Филип“ одби да коментира.
Рирдон предвидува „нагло зголемување на побарувачката за винтиџ и половни часовници“ во САД. Некои клиенти би можеле дури и директно да отпатуваат во Женева за да купат часовници ако цените во Америка пораснат, додава тој.
Продажбата на луксузни производи би можела нагло да ослаби ако американската економија забави поради трговската војна, како што предвидуваат некои економисти.
Туристи фотографираат часовник „патек филип“ во хотелот „Рафлс“ во Сингапур
Фото: Bloomberg
Но пазарот на половни часовници би можел да профитира од поголем прилив на стока, вели Ерик Винд, основач и сопственик на ВВ (Wind Vintage), компанија што купува и продава винтиџ часовници. Потешките економски времиња можат да ги поттикнат сопствениците на луксузни часовници да ги продадат за да дојдат до дополнителни пари, додава тој.
Винд вели дека клиентите го засипуваат со барања за купување. Тој исто така продава директно на други дилери, кои, како што вели, се во вистинска треска.
На платформата „Хроно 24“, моделите Audemars Piguet Royal Oak Selfwinding од 2021 година се продаваат за околу 34.999 долари, додека Royal Oak Chronograph од 2015 година може да се најде за околу 47.200 долари.
Фото: Bloomberg
„Просечниот купувач сè уште не размислил како ќе ги погоди ова“, рече Винд за царините. Трговците, подготвувајќи се за бран интерес кога потрошувачите ќе станат свесни за влијанието на новите давачки, реагираат така што „буквално купуваат стотици парчиња за да обезбедат резерви“. „Никогаш не сум видел нешто слично“.
САД веќе воведуваа високи царини на швајцарските часовници во 50-тите години на минатиот век, што тогаш им помогна на американските производители. Сепак, тие компании не беа доволно иновативни за да им парираат на швајцарските брендови кога царините беа укинати, потсетува Винд.
.webp){kind=icon}
Во моментов нема коментари за веста. Биди прв да коментира...