.webp){kind=icon}
Не, не зборуваме за популарни слаткарници во светските метрополи или за креации на готвачи со реноме на „Мишелин“. Всушност, овде станува збор помалку за гастрономско искуство, а повеќе за состојки што првенствено би биле дел од накит отколку некој оброк. И за патувања. И за хуманост...
Нил Готлиб од Калифорнија ја основал „Три твинс“ (Three Twins) во 2005 година, со цел органскиот сладолед да биде достапен за пошироката публика, слично како „Хаген дас“ (Häagen-Dazs). Како дел од маркетинг-стратегијата, тој го создал првиот десерт со огромна цена - банана-сплит од 3.330 долари, кој, очекувано, никој не го нарачал. Овој претприемач потоа отиде чекор понатаму и на светот му понуди сладолед што чини 60.000 долари за едно лице или 85.000 долари за двајца. За оние што се подготвени да потрошат такво богатство, брендот вети дека ќе уживаат во сладолед направен од мраз собран од врвот на Килиманџаро, послужен токму на планината. Во пакетот, секако, покрај оваа авантура беа вклучени и сите други трошоци, пат до Танзанија, сместување во хотел со пет ѕвезди и неограничена потрошувачка на сладолед. Компанијата со седиште во Петалума, која се позиционира на пазарот за масовна продажба на органски сладолед, престана со работа поради финансиски проблеми поврзани со пандемијата во април 2020 година, како што соопшти самиот Готлиб. По стресниот период по затворањето на бизнисот, тој ја лансира Крејн (Crain), апликација за ментално здравје, која обезбедува совети од овластени лица што нудат модули за ментално здравје и вежби за релаксација смислени да го намалат стресот.
Доколку мислевте дека ова е најскапиот сладолед на светот, се надеваме дека цената на десертот „Арно строубери“ (Arnaud Strawberry) од 9,85 милиони долари нема да ве потресе. Овој десерт е создаден од Жан и Пјер Арно како специјална понуда во префинетиот ресторан „Арнос“ (Arnaud's) во Сан Франциско и се состои од наједноставните можни состојки: сладолед од ванила, јагоди, шлаг и чоколаден прелив. Она што придонесува за „зашеќерената“ цена е блескавиот дијамантски прстен од 10 карати!
Прочитај повеќе
Откријте го јувелирот кој е и најдобро чувана тајна на Венеција
Повеќе од еден век „Каза Кодоњато“ им ги нуди своите уникатни и често шокантни дизајни на накит на проникливи и познати клиенти.
13.12.2023
Драматична ревија на „Луј Витон“ на хонгконшката авенија на ѕвездите
Ревијата овој пат е посветена на патувањето „од Хаваи до Хонгконг“.
09.12.2023
Што се крие зад цената на најскапите парфеми во светот?
Пресметката изгледа вака: приближно четири тони рози или 1.600.000 цветови се потребни за да се добие еден килограм масло од роза.
08.12.2023
Дали навистина вреди толку бифтекот од 1.000 евра?
Говедското месо доаѓа од фарми што одгледуваат само илјада грла говеда годишно.
06.12.2023
„Серендипити“ (Serendipity) е култен њујоршки ресторан, омилен меѓу славните личности, кој ја нуди светски познатата атракција на градот - замрзнато топло чоколадо. Во 2007 година оваа незаобиколна туристичка атракција го држеше Гинисовиот рекорд за најскап десерт за своето замрзнато топло чоколадо од 25.000 долари и „Гранд опуленс санде“ (Grand Opulence Sundae) со пет топки сладолед од ванила прекриени со ливчиња од 23-каратно злато за јадење. Сладоледот од 1.000 долари е послужен во кристален пехар од „Бакарат“ (Baccarat Harcourt) со златна лажица од 18 карати и вистински бисери. Не најдовме информации дали во таа цена е вклучена и лажицата доколку гостите сакаат да ја понесат со себе.
„Криспи крим донатс“ (Krispy Kreme Donuts Inc) е основана во јули 1937 година исклучиво за продажба на крофни. Сепак, компанијата набрзо почна да продава други пржени задоволства по пристапни цени. Класична крофна со различни додатоци, на пример, чини 3,50 долари. Но, „Криспи крим“ отиде чекор понатаму (можеби поправилно би било да се рече илјада чекори) за да лансира луксузна верзија на своите класични крофни. Златната крофна од 1.600 долари има чоколаден прелив со златни ливчиња од 24 карати и неколку дијаманти за јадење. Беше претставена во Обединетото Кралство во 2014 година за да се соберат средства за фондација за децата (The Children's Trust). Годинава закуската направи големо враќање како дел од прославата на Денот на Свети Патрик во март, наречена „Добро како злато“ (Good as Gold).
Falkensteiner Hotels & Residences
Погледнете ја галеријата
Falkensteiner Hotels & Residences
Погледнете ја галеријата
Falkensteiner Hotels & Residences
Погледнете ја галеријата
Falkensteiner Hotels & Residences
Погледнете ја галеријата
Falkensteiner Hotels & Residences
Погледнете ја галеријата
Falkensteiner Hotels & Residences
Погледнете ја галеријата
Хотелот „Линдет Хов“ (Lindeth Howe Country House) во Лејк Дистрикт, Британија, градба со многу ненаметлив шарм во викторијански стил, е проткаен со приказната за Беатрикс Потер, британската авторка и илустраторка позната по нејзината серија „Зајакот Петре“ (Peter the Rabbit). Хотелот нуди разумни цени и елегантни оброци, додека собите имаат пристојни цени од 250 фунти за двајца. Таму британскиот готвач Марк Гиберт дошол на идеја да направи десерт вреден 35.000 долари. Станува збор за десерт од најквалитетно чоколадо во облик на јајце „Фаберже“, со слој желе од шампањ, прекриено со златни ливчиња за јадење и дијамант одозгора. Се служи со шампањ и кавијар, а за својот 60-ти роденден со овој десерт се почестил бизнисменот Карл Вајнингер од Рагби, објави „Вестморленд газет“ (The Westmorland Gazette), потоа споделувајќи го со присутните на хуманитарниот бал на организацијата што ја поддржува „Аеробилити“ (Aerobility), која, според неговите зборови, им овозможува на луѓето и децата со попреченост, како и тој самиот, да „летаат“.
Готвачот Гибер, со децениско искуство во најлуксузните ресторани низ светот, служи познати личности, кралски семејства и богаташи. Сега, со својата партнерка Пироска Борсос, како хостеса, нуди ексклузивен концепт на организирање луксузни приватни собири во вили во Франција.
Ако се прашувате каде можете да си дозволите ваква десерт-екстраваганција деновиве, не мора да патувате далеку. Дијамантска вечера во луксузен австриски замок на езерото Вортерзе нуди гастрономско изненадување со блескав финиш. Вечерата од седум гурмански деликатеси завршува кога јувелирот Хелмут Бретербауер ќе „послужи“ еднокаратен дијамант „Трипл екс“ (Triple Ex) со врвен квалитет и меѓународен сертификат, кој може да се преработи во ексклузивен накит во нивната работилница со доплата. „Дијамантскиот пакет“, кој вклучува и фотографии за спомен, е достапен во текот на целата година, како што наведуваат во соопштението на „Вланкенштајнер Шлосхотел Велден“ (Falkensteiner Schlosshotel Velden), кој е домаќин и креатор на овој концепт и е многу популарен начин за запросување. Се разбира, доколку заинтересираниот е подготвен да плати 16.900 евра за двајца.
