text size
Непишано правило во новите хибридни е канцеларии дека помладиот персонал кој работи од дома има помалку можности да се поврзува и да учи на работа. Дали има проблемот во оваа анализа? Да. Помладите вработени не веруваат во неа.
Новото истражување на Кралскиот колеџ во Лондон покажа дека на 40 отсто од лицата на вораст од 16 до 24 години кои имаат работна позиција во Лондон, им е полесно да волонтираат за клучните задачи и да поставуваат прашања кога работат од далечина. Од друга страна, нивните постари врсници имаат тенденција да ја гледаат работата од дома како пречка за учење и поврзување.
„Помладите работници имаат поголеми шанси да го видат позитивното во користењето на технологија која овозможува да поставуваат прашања, да се стават себеси во прв план и да градат врски“, вели Боби Дафи, директор на Институтот за политика на универзитетот.
„Ова може да биде затоа што помладите работници не сфаќаат што пропуштаат - но исто така може да биде и тоа дека постарите работници се заглавени со застарените начини на работа и не можат да видат како може да дојде до развој“.
Истражувањето го нагласува генерацискиот јаз во дебатата за хибридната работа. За да ја поддржат идејата за враќање во канцеларија, менаџерите редовно тврдат дека работата во канцеларија е клучна за учење, за создавање врски и за напредување. Но, помладите работници - кои треба да бидат најмногу да се грижат за искористувањето на тие придобивки - ги гледаат работите поинаку.
Околу 20 отсто од младите работници велат дека работата од далечина всушност помага да се градат односи со колегите, покажа истражувањето. Ова чувство е поинакво за оние на возраст од 50 и повеќе години.
Хибридното работење може да биде и стратегија за заштеда на пари. Оние кои работат од дома можат да живеат на поевтини места и да се откажат од патните трошоци барем неколку дена во неделата.
Наодите, исто така, укажуваат на проблемите со кои ќе се соочат работодавците кои сакаат сите работници да ги вратат во канцеларија. Повеќето лондонски работници повеќе би сакале да дадат отказ отколку да се придржуваат до распоредот за работа што не им се допаѓа, покажува едно истражување.
Други истражувања за промените кои се случуваат во начинот на работа, исто така, открија тензии во канцелариските хиерархии. Последното истражување на Future Forum Pulse меѓу работници во САД, ОК, Австралија, Франција, Германија и Јапонија покажа дека речиси 40 отсто од извршните директори сакаат да работат во канцеларии три до четири дена во неделата, во споредба со 25 отсто од неизвршните лица.
.webp){kind=icon}
