Илон Маск праша повеќе од 95 милиони свои следбеници на „Твитер“ (Twitter) дали помалку им веруваат на милијардерите или на политичарите, во неговата нова анкета на социјалната мрежа. Со голема разлика, неговите испитаници на социјалнaта мрежа велат дека повеќе ги поддржуваат богатите отколку избраните претставници.
Остануваат уште околу 12 часа од анкетата, а над 75 отсто од испитаниците гласале за политичарите како помалку доверливи од милијардерите. Маск, најбогатиот човек на светот, вели дека користењето на зборот милијардер во пејоративна смисла е морално погрешно и глупаво доколку некоја личност станала милијардер создавајќи производи што прават милиони луѓе среќни.
Подоцна ја повика Александрија Окасио-Кортез, њујоршка претставничка на демократите, која се расправа со Маск на „Твитер“, да ја спроведе истата анкета со нејзините следбеници.
Минатиот месец Маск понуди 44 милијарди долари за купување на „Твитер“. Неколку недели пред понудата, Маск ги праша корисниците во анкета на „Твитер“ дали сакаат копче за уредување. Во 2021 година, тој ги анкетираше корисниците на „Твитер“ за тоа дали треба да продаде 10 отсто од акциите на „Тесла“ (Tesla), што мнозинството го поддржа.
.webp){kind=icon}
