Светското првенство во Катар заврши синоќа во голем стил, со речиси 90.000 навивачи - меѓу нив Илон Маск и Џаред Кушнер - гледајќи како Аргентина ја победи Франција во она што веќе се нарекува едно од најголемите финалиња во историјата.
Победата создаде редок момент на единство и еуфорија во Аргентина, земја во економска криза. Емирот на Катар, шеикот Тамим бин Хамад Ал Тани, традиционалната облека наречена бишт, која претставува знак на чест во арапската култура, му ја облече на капитенот на победничката екипа, Лионел Меси.
Bloomberg
Оваа земја богата со гас потроши, околу 300 милијарди долари на стадиони, хотели, патишта и ново метро во овие 12 години откако го доби правото да биде домаќин на најголемиот спортски настан во светот. Земјата, исто така, се најде на мета на критики поради нејзиниот третман кон странските работници и политиките што ги ограничуваат правата на ЛГБТ заедницата.
Катар и неговите три милиони жители сега ќе доживеат опаѓање. Доха, главниот и единствен познат град, повторно ќе биде релативно празен. Хотелиерите и агентите за недвижности се загрижени во обид да ги продадат многуте соби и имоти. Владата може да има проблеми и со правилното користење на новите стадиони.
Сепак, турнирот ќе биде запишан како успех што се однесува до Катар. Новинарите и навивачите ја пофалија организацијата, вклучително и отсуството на насилство од навивачите, што беше случај во некои претходни фудбалски натпреварувања. Изненадувачкиот напредок на Мароко до полуфиналето предизвика радост низ поголемиот дел од Блискиот Исток и Африка. А, беа постигнати и повеќе голови отколку на кое било друго Светско првенство.
Навивачите беа на пат да потрошат рекордни суми, дури и откако владата ја забрани продажбата на алкохол. Според ФИФА, телевизиската публика надмина две милијарди по групната фаза, а бројот на гледаност расте во САД и Азија.
.webp){kind=icon}
Во моментов нема коментари за веста. Биди прв да коментира...