„Претпочитам да имам помалку клиенти, но тие да бидат оние што го разбираат овој бизнис“, вели Атилио Кодоњато, сопственик на продавницата за накит „Каза Кодоњато“ (Casa Codognato) во Венеција. „Понекогаш поминуваат пет дена без да влезе некој, а понекогаш доаѓаат десетмина. Не може да се знае. За време на екот на туристичката сезона и карневалот, тој ја затвора продавницата, избегнувајќи ги метежите. „Не ми се допаѓа карневалот“, вели тој. „Премногу луѓе, премногу нехигиенски“.
Во секој случај, само ретки туристи можат да си ги дозволат неговите креации, кои чинат од 8.500 до 160.000 долари, понекогаш и повеќе. Инаку, продавницата ја основал неговиот прадедо Симеоне, кој пред тоа бил дилер на стари слики и уметнички предмети. Синот на Симеоне, првиот Атилио, роден во 1867 година, се обучил како златар и почнал да дизајнира сложени парчиња инспирирани од етрурските богатства откопани од археолозите во тоа време.
Елизабет Тејлор, Грејс Кели, Ернест Хемингвеј, Марија Калас, Лучино Висконти, Демиен Хирст, Николас Кејџ, Наталија Водијанова, долга е листата на познати клиенти на оваа куќа.
Тие очигледно ги сакаат необичните и смели креации на Атилио, но очигледно и неговите познати вечери и собири. Вака Енди Ворхол во своите дневници ја опишал вечерата од 1977 година во палатата Кодоњато на Големиот канал во Венеција: „Големата сала беше поставена за 100 луѓе“, пишува Ворхол, опишувајќи ја доцната ноќна прослава дури и по тресењето на зградата. Земјотрес, туркање гости и слики по скали. Во текстот на новинарката Каролин Винтер за „Блумберг“, која имала можност да се запознае со сопственикот, тогаш се вели дека како член на Меѓународниот совет на лондонскиот музеј „Тејт“, Кодоњато продолжил да организира вечери за време на биеналето во Венеција.
А што се однесува на понудата, она што ги привлекува клиентите се елегантната изработка и дизајнот, како и мотивите и симболите инспирирани од латинскиот memento mori - „запомнете дека мора да умрете“. Па, доколку сте подготвени за мистицизам, еротски и „палави“ тотеми, черепи, крстови во еклектичен стил, погледнете го видеото.
.webp){kind=icon}
