Спиењето може да биде речиси бесценето за патниците кои се заглавени во своите седишта во економска класа, на летови на долги релации. Сега „Ер Њу Зиланд“ (Air New Zealand Ltd.) планира да „продава сон“ за околу 100 долари од час.
Авиокомпанијата ќе постави кревети на спрат на своите ултра долги линии меѓу Окленд и Њу Јорк и Окленд и Чикаго во 2024 година. Четиричасовните сесии, достапни само во економска класа, веројатно ќе чинат меѓу 400 и 600 новозеландски долари, објави во средата авиокомпанијата. Тоа испаѓа околу 64 до 95 американски долари на час. Точната цена сè уште не е одредена.
Купеата со шест кревети - познати како „Скајнест“ (Skynest) - ќе бидат достапни од септември следната година. Секој кревет ќе има перница, чаршафи и ќебе, тампони за уши и светло за читање. Патниците ќе бидат ограничени на една резервација по лет, а временските ограничувања строго ќе се применуваат.
„Екипажот учтиво ќе ги разбуди сите патници што ќе спијат“, посочија од компанијата.
Патниците на 17-часовните директни летови кон Њујорк - започнати во септември - веќе можат да се одлучат за понудата „Скајкоуч“ (Skycouch) на „Ер Њу Зиланд“, којa трансформира ред од три седишта во импровизиран кревет.
.webp){kind=icon}
Во моментов нема коментари за веста. Биди прв да коментира...