Започнете да го планирате вашиот одмор во Рим сега. Оваа година, достапни се повеќе нови луксузни опции од кога било, додека „вечниот град“ постојано ја одржува својата суверена позиција меѓу 10-те најпосетувани туристички дестинации.
„Имаме неверојатен бум во туризмот“, вели Карло Месина, извршен директор на „Интеса Санпаоло“ (Intesa Sanpaolo), најголемата банка во Италија. Италија оваа година би можела да оствари рекордни приходи од туризмот, бидејќи посетителите од целиот свет се желни la dolce vita (убавиот живот).
Ова се шест од најзначајните нови хотели кои треба да се отворат во италијанската престолнина во 2023 година, вклучително и вистински пример на италијански гламур создаден од познат бренд за накит. Многу од хотелите имаат одлични тераси на покривот, идеални за уживање со аперол сприц на сонцето.
Сикс Сенсес Рим (Six Senses Rim)
Фокусиран на велнес и одржлив туризам, Сикс Сенсес оваа пролет ја отвори својата урбана оаза во срцето на Рим. Објектот веќе се покажа како добредојден додаток на хотелскиот пејзаж во градот. Ритуалното капење било дел од секојдневието во античкиот град, а како почит кон таа традиција, Сикс Сенсес рекреира комплекс од римски термални бањи за релаксација, од базени со топла и ладна вода, до фонтани со лед и тепидариуми. (Оваа услуга е бесплатна за гостите на хотелот.)
Покрај обемната програма за вежбање и детоксикација која вклучува тренинг за сила со помош на е-стимулација и воздушна јога, има и голема тераса на покривот за да уживате во тестенините cacio e pepe (сирење и бибер) и сприц. Целодневниот ресторан нуди вина на точење од нови локални винарии и пица карбонара.
Собите имаат огромни прозорци со повеќеслојна звучна изолација. Се нудат и голем број придружни авантури, како што е обиколка на блиските палати под стручно водство на потомци на римски благороднички семејства. Цените на собите започнуваат од 850 евра.
Повеќето елитни хотели во Рим имаат тераса на покривот што овозможува поглед на прекрасната панорама на градот
Bloomberg Mercury
Хотел Булгари Рим (Bulgari Hotel Rome)
Отворен на 9 јуни, хотелскиот бренд Булгари, со глобални локации од Шангај до Дубаи, конечно се враќа дома.
Хотелот се наоѓа во близина на Шпанските скали и Пјаца Венеција, а е сместен во модернистичка зграда од 30-тите, која гледа кон мавзолејот на Август, првиот римски император. На приземјето на хотелот, во Булгари Долче, гостите можат да уживаат во уникатно чоколадо и други традиционални италијански деликатеси. Булгари бар, со големиот шанк од црн мермер и кристални декорации од мурано стакло што ја рефлектираат светлината, најверојатно ќе стане едно од најстилските места во градот за уживање во коктели.
Булгари Хотел Рим има и импресивен спа центар со базен соѕидан во мермер и посебен базен за виталност со мозаични плочки инспирирани од античките римски бањи Terme de Caracalla (терме де каракаља).
Така, сега имата можност да купите нов скапоцен накит од Рим - или да спиете во еден. Цените на собите се од 1.900 евра.
Интерконтинентал Рим, палата на амбасадорите (InterContinental Rome Ambasciatori Palace)
Сместен на легендарната Виа Венето, новиот Интерконтинентал Рим првично бил изграден за да ги угостува амбасадорите, а подоцна служел како библиотека на Амбасадата на САД, која се ноѓа зад аголот. Реновираниот култен топоним на градот во неокласичен стил сега пречекува патници наместо дипломати, со 160 соби и апартмани. (Не е лошо да се спомене дека големината на собите започнува од само 20 квадратни метри, додека заедничките простории се далеку пораскошни).
Барот на приземјето го носи името Анита (Anita's), по шведската актерка Анита Екберг, која глумеше во „Долче вита“ (La Dolce Vita) на Фелини, а на покривот има диџеј сетови и музика во живо до доцна во ноќта. Хотелот е оддалечен 10 минути пешачење од Фонтана ди Треви и на истата улица како Харис бар (Harry's Bar) доколку сакате повторно да се чувствувате како Анита Екберг. Цените на собите започнуваат од 745 евра.
Роум Едишн (Rome Edition)
Првиот италијански хотел од актуелниот Едишн (Edition) бренд на Иан Шрагер (дел од Marriott International), чие официјално отворање е планирано кон средината на јуни.
Централно лоциран во близина на вилата Боргезе, со своите големи градини и спектакуларната колекција на скулптури на Бернини. Барот Панч рум (Punch Room), како интимното и добро познато место во лондонскиот Едишн, нуди ретки коктели, а по долгиот ден на разгледување и музеи, има и базен на покривот - ретка погодност во Рим.
Ресторанот „Анима“ (Anima) е добредојден додаток на веќе фантастичната кулинарска сцена во Рим; го води една од најдобрите готвачки во Рим, Паола Колучи од ресторанот „Пијанострада“ (Pianostrada). Цените на собите започнуваат од 640 евра.
Aнантара Палацо (Anantara Palazzo Naiadi Rome Hotel)
Овој неодамна реновиран луксузен хотел од тајландски бренд е сместен во мермерна палата во форма на полумесечина од 19 век, но неговите корени се многу подлабоки. Изграден е на урнатините на термалните бањи на Диоклецијан од четвртиот век, чии темели и мозаици се гледаат низ стаклениот под во приземјето.
Како и Едишн, овој хотел има и базен на покривот; можете да се капете и да се разладите со пијалок на терасата додека сонцето заоѓа над античкиот град. Цените за јуниор почнуваат од 1.000 евра.
Ромео Рома (Romeo Roma)
Еден од последните проекти дизајнирани од покојниот британски архитект со ирачко потекло, Заха Хадид, е реновирана палата од 16 век веднаш до Пјаца дел пополо (Piazza del Popolo). Претставува комбинација од престижот на историската зграда со својот храбар, експресивен стил - атрактивна мамка за љубителите на дизајнот.
Од 74 соби, пет апартмани ќе имаат реставрирани, оригинални фрески; останатите се минималистички, со детали од дрво и огледало. Срцето на хотелот ќе биде полузатворен двор од околу 2.000 квадратни метри изграден околу античките урнатини, иако се очекува локалното население да се насочи во ресторанот на Ален Дукас. Во секој случај, хотелот ветува гламурозно и удобно бегство од прометните градски улици.
Цените за сместување сè уште не се достапни.
.webp){kind=icon}
