Планиран е за испорака во 2024 година, Фраушер х Порше 850 Фантом Ер (Frauscher x Porsche 850 Fantom Air) е дневен крстосувач долг 8,7 метри (28,4 стапки) базиран на платформата Фраушер 858 Фантом Ер. Студиото „Ф.А. Порше“ ќе го дизајнира држачот на кормилото и внатрешноста, вклучувајќи ги и седиштата и тапацирот, додека бродот ќе ја користи истата технологија на погон како новопланираниот електричен „порше макан“ (Porsche Macan). Бродот ќе се гради на бродоградилиштето „Фраушер“ во Олсдорф, Австрија.
Ова не е прв поход на „Порше“ во бродови. „Порше дизајн“, студиото и брендот основан од Фердинанд Александар Порше во 1972 година, го лансираше Порше Фиарлес (Porsche Fearless 28) во 2008 година, глисер направен да личи на суперавтомобилот „порше гарера ГТ“ (Porsche Carrera GT), чиј мотор го покренуваше V-10 што се користеше и во „доџ вајпер“ (Dodge Viper). Дизајнерското студио стана подружница на „Порше АГ“ во 2003 година и официјално беше преименувано во „Студио Ф.А. Порше“ во 2015 година. Најпрофитабилниот бренд на групацијата „Фолксваген“, исто така, промовираше брод од 22 стапки, произведен од „Севн сис јахтс“ (Seven Seas Yachts), наречен „Хермес Спидстер“ (Hermes Speedster), кој е моделиран по „винтиџ порше 356“.
Компанијата во моментов ја истражува можноста за примена на својот погон на други големини на бродови.
Автомобилските марки од Астон Мартин (Aston Martin) и Бугати (Bugatti) до Јагуар (Jaguar), Лексус (Lexus), Мерцедес Бенц (Mercedes-Benz) и Масерати (Maserati) исто така пловат во сферата на воден транспорт. Хенрик Фискер, кој го разви „Фискер Карма ЕВ“ (Fisker Karma EV), дизајнираше суперјахта вредна 37 милиони долари со „Бенети“ во 2016 година. Минатата година „Ламборџини“ со „Техномар“ изгради јахта од 3,5 милиони долари. Тие партнерства најмногу се фокусираа на комбинирање на естетиката и брендирањето.
„Порше“ пак, ветува нешто поинакво: брод што користи електрична технологија за патни возила. „Порше Фантом Ер“, кој е ограничен на 25, ја користи истата електрична платформа - што „Порше“ ја нарекува своја електрична премиум платформа (PPE) - како што и „макан ЕВ“ ќе биде достапна во 2024 година. Платформата вклучува литиум-јонска батерија со вкупен капацитет од околу 100 киловат-часови, електричен мотор и друга поврзана енергетска електроника поврзана со технологија од 800 волти. „Мацан“ е најпопуларното возило на „Порше“ во Северна Америка, со 23.688 продадени возила минатата година, или 33 отсто од вкупната продажба.
Бродот ќе има платформа за пливање, палуба за сончање, врвен систем за звук и фрижидер и е дизајниран да прими девет луѓе. Како и со идниот „мацан ЕВ“, сопствениците на Фраушер х Порше 850 Фантом Ер, можат да го полнат на станиците за брзо полнење или преку AЦ полнење.
„Порше“ одби да ги прецизира спецификите за перформансите, вклучувајќи го опсегот на крстарење и времето на полнење. Максималната моќност и брзина се исто така сомнителни, бидејќи повеќето од денешните електрични бродови се доста тешки и погодни само за повремени крстарења. Дафи 18 Снаг Харбор (Duffy 18 Snug Harbor), на пример, има максимална брзина од 6 милји на час. Хинкли Дашер од 2017 година користеше двојни мотори со моќност од 80 коњски сили напојувани од литиум-јонски батерии од 40 киловолти, има опсег од околу 40 милји (35 наутички милји) со брзина на крстарење од 7 јазли (8 милји на час).
Сепак, станува збор за профитабилен пазар за електрични бродови, кои се сметаат за еден вид „тесла“ на вода. Арк Уан (Arc One), најавен во 2022 година, има батерија од 220 kWh, речиси три пати повеќе од капацитетот на „тесла модел Y“ (Tesla Model Y). Бродот може да работи од три до пет часа со едно полнење. Компанијата наречена „КС Шор АБ“ (Ks Shore AB) собира средства за производство на чамец со нула нето емисии до 2030 година.
Портпаролот на „Порше“ вели дека новиот брод најверојатно ќе чини околу 600.000 евра (655.000 долари). Сегашната цена за неговиот претходник, Фраушер 858 Фантом Ер, започнува од 250.000 долари со најосновната опрема, а користените се продаваат за 300.000 долари. Повеќе информации и слики ќе бидат достапни во септември, рече портпаролот. И додека „Порше“ е подготвен да прима нарачки, бродот сè уште не е распродаден.
.webp){kind=icon}
