Пет места во Барселона што никако не смеете да ги заобиколите

Кога некој ќе каже дека Барселона е најубавиот град во светот, не мора да значи дека претерува. Овој град има доволно аргументи за да ја потврди таа теза. Барселона ги обединува естетиката на медитеранскиот дух и урбаната енергија на метропола – секоја улица, плоштад и фасада изгледаат како да се од разгледница. Ни Париз, ни Лондон, ни Истанбул не можат да се пофалат со таков склад.

Градот го носи печатот на генијалниот архитект Антонио Гауди – со величествената Саграда Фамилија (Sagrada Família), Парк Гуел (Park Güell), Каза Батљо (Casa Batlló) и легендарната Ла Рамбла (La Rambla). Тукас се и најоригиналниот фудбалски клуб на светот, Барселона, и некогашниот најголем европски стадион „Камп ноу“ (Camp Nou). Но зад славните симболи се кријат и места што лесно се занемаруваат, а вреди да се откријат.

1. Ел Борн – срцето на вистинската Барселона

Дури при третиот престој сфатив дека токму Ел Борн (El Born) е најубавиот дел на градот. Оваа четврт ја доловува вистинската атмосфера на Барселона. Камените тесни улички кријат кафулиња и мали галерии, а зад секој агол се отвора нова приказна – од готската црква „Санта Марија дел Мар“ (Santa Maria del Mar) до скриените тапас-барови каде што вечерите течат полека и живописно.

Ел Борн е онаа вистинска Барселона | Bloomberg Adria 

2. Ла Бокерија – пазар што станува фестивал

Кога ми рекоа дека одиме на пазар, мислев дека ќе изгубам половина ден. Се излажав. Ла Бокерија (La Boqueria) е пазар од поинаков тип – спој на пазар, трговски центар и ресторан, живописен мозаик од бои, мириси и вкусови.

Пазар од поинаков тип | Bloomberg Adria

Тука ќе најдете егзотично овошје, свежи морски плодови, шпански пршути хамон (jamón) и сирења, како и барови во кои можете да застанете, да јадете и да го почувствувате пулсот на Барселона. Тоа не е пазар, тоа е фестивал што мора да се доживее.

3. Ридот Монжуик – отворен музеј на небото

Во распоредот на престојот, Парк Гуел речиси секогаш има предност пред Монжуик (Montjuïc), и тоа со право – Гауди е Гауди. Но прескокнувањето на ова ридско чудо би било голема грешка.

Олимписки рид | Bloomberg  Adria

Монжуик ја прикажува Барселона како град што знае да ги спои старото и новото. На врвот е тврдината, во подножјето Националниот музеј на каталонската уметност, а меѓу нив – Олимпискиот стадион, кулата на Калатрава и жичницата со панорамски поглед. Сето тоа го прави Монжуик вистински спектакл под отворено небо.

4. Ел корте инглес – шопинг со доза на носталгија

Трговските центри речиси целосно ги потиснаа старите стоковни куќи, но во Барселона може да се почувствува враќање во минатото. „Ел корте инглес“ (El Corte Inglés) на Плаза де Каталуња (Plaça de Catalunya) нè враќа во времето кога одењето во стоковна куќа било вистински настан: облека, обувки, козметика, техника и храна – сè под еден покрив.

Погледот од десеттиот кат е еден од најубавите | Bloomberg Adria