Тод Боли, косопственик на премиерлигашкиот фудбалски клуб Челси, вели дека несогласувањето во врска со проектот за изградба на стадион може да биде проблем што ќе ги натера сопствениците на клубот да тргнат по различни патишта.
„Имаме голема можност за развој на стадион што мораме да ја искористиме“, рече Боли, кој разговараше со Хаслинда Амин од телевизијата „Блумберг“ во Хонгконг. „И мислам дека или ќе се согласиме или на крајот ќе одлучиме да одиме по различни патишта“.
Калифорниската приватна компанија „Клирлејк капитал“ (Clearlake Capital) е мнозински сопственик на Челси, а Боли го држи остатокот заедно со американскиот бизнисмен Марк Волтер и швајцарскиот милијардер Хансјорг Вис.
Прочитај повеќе
Шпански клуб е предводник во користењето ВИ за избор на играчи
Севиља отиде најдалеку во примената на вештачката интелигенција во фудбалот
25.03.2025
Ренесанса на градежништвото во фудбалот - преку модерни стадиони до раст на приходите
Половина од 20-те најбогати фудбалски клуба во Европа градат нови стадиони или ги модернизираат постојните. Целта е поголем раст на приходите.
19.03.2025
Манчестер јунајтед го напушта „Олд Трафорд“, гради нов стадион
„Олд Трафорд“ заостанува зад другите стадиони.
13.03.2025
Актерска ѕвезда покажа како се заработува со вложување во фудбал
Врексхем АФЦ , кој е купен за околу два милиона фунти, сега вреди сто милиони фунти.
10.03.2025
„Блумберг“ во септември извести дека главните акционери на Челси ги испитуваат своите опции за сопственост во ситуација на влошување на односите.
„Усогласени сме со она што се обидуваме да го направиме и што се обидуваме да го изградиме“, рече Боли. „Статус квото е сосема во ред. Учевме едни од други и мислам дека навистина ќе можеме да го решиме ова на кој било начин“.
Тој додаде дека „многу поголема драма е она што се пишува и зборува отколку што всушност се случува“.
Боли зборуваше за долгорочните амбиции за клубот од западен Лондон, кој е фокусиран на преуредување на својот стадион од 40.000 места или преселување на нов.
„Имаме од 16 до 20 години да го средиме Челси“, рече Боли. „Ситуацијата е многу сложена. Не е како да градиме нешто среде рурална област. Мора да водиме сметка за многу групи со различни интереси, а базата на навивачи на Челси секако е една од нив. Долгорочно гледано, мислам дека ќе изградиме нешто ново и ќе го најдеме најдоброто решение“.
Кога конзорциумот го презеде Челси пред три години, почетниот фокус беше на потенцијалниот проект за стадион. „Стемфорд бриџ“ заостанува зад лондонските ривали, Тотенхем Хотспур и Арсенал, во време кога големите европски клубови интензивно инвестираат во нови арени, кои освен за фудбалски натпревари можат да се искористат за организација на концерти и други спортски настани.
Џим Ретклиф, кој има делумна сопственост на Манчестер јунајтед, неодамна објави планови за изградба на стадион вреден две милијарди фунти, со капацитет од 100.000 гледачи во близина на сегашното седиште на тимот, „Олд Трафорд“. ФК Евертон следната сезона ќе се пресели на нов стадион со капацитет од 52.800 гледачи.
Боли рече дека мисли дека Челси вреди повеќе од 2,5 милијарди фунти (3,2 милијарди долари) колку што плати конзорциумот, и покрај фактот што тимот не освои ниту еден трофеј во тој период.
Челси е на четвртото место во Премиерлигата и се подготвува за Светското клупско првенство на ФИФА во Америка летово.
„Една од фрустрирачките работи за мене како сопственик на Челси е тоа што Премиерлигата стана исклучително конкурентна“, рече Боли. „Квалитетот на тимовите е неспоредлив со што било друго во Европа. Вредноста на Челси не ја одредува само она што го освоил годинава. Ова е клуб кој штотуку ја прослави својата 120-годишнина“.
.webp){kind=icon}
