„Опен еј-ај“ (OpenAI) е на прагот на рекорден круг на финансирање во вредност од 40 милијарди долари, предводен од „Софтбанк“ (SoftBank) и вклучувајќи неколку големи инвеститори. Меѓу оние што преговараат за учество се и МЦ (Magnetar Capital), ЦМ (Coatue Management), ФФ (Founders Fund) и АЦМ (Altimeter Capital Management). Фондот МЦ од Еванстон, Илиноис, би можел да придонесе со една милијарда долари, велат повеќе извори, кои сакаат да останат анонимни бидејќи станува збор за доверливи информации.
Според податоците на истражувачката компанија „Пичбук“ (PitchBook), ова би било најголемиот круг на финансирање на сите времиња за развивач на вештачка интелигенција. Со оваа зделка, вредноста на компанијата, вклучувајќи ги собраните средства, би била проценета на 300 милијарди долари – речиси двојно повеќе од последната процена во октомври, кога „Опен еј-ај“ собра средства врз основа на процена од 157 милијарди долари.
Како дел од договорот, „Софтбанк“ првично ќе вложи 7,5 милијарди долари во компанијата, заедно со дополнителни 2,5 милијарди долари од група инвеститори, рече еден од изворите запознаени со дискусиите. Вториот дел во висина од 30 милијарди долари треба да следува во текот на годинава, при што „Софтбанк“ ќе придонесе со 22,5 милијарди, а преостанатите 7,5 милијарди ќе ги обезбеди група на инвеститори, рече истиот извор.
Прочитај повеќе
Борба на моделите: Кој води во светот на вештачката интелигенција?
Малку повеќе од две години по дебито на ЧетГПТ, сцената со вештачка интелигенција е значително поразвиена, а алатките базирани на вештачка интелигенција станаа вообичаени. Чија е најдобра?
13.02.2025
Сем Алтман: Животот на Маск е полн со лична несигурност
Во интервју за ТВ „Блумберг“, Алтман ја отфрли понудата на Маск за преземање на „Опен еј-ај“.
11.02.2025
Агент на „Опен еј-ај“ функционира како истражувачки аналитичар
Нова алатка со вештачка интелигенција што истражува за вас: заштедете часови работа.
04.02.2025
Дали „Дипсик“ украде технологија на „Опен еј-ај“?
Се истражува дали група поврзана со развојот на стартапот „Дипсик“ стекнала технолошки тајни на „Опен еј-ај“.
29.01.2025
Акциите на „Софтбанк“ во Токио паднаа за 4,7 проценти. Осигурителните зделки за заштита од кредитен ризик (CDS) се проширија, делумно поради загриженост за влијанието на толку голема инвестиција врз финансиската стабилност на компанијата. „Софтбанк“ не даде коментар. Јапонскиот конгломерат исто така одделно вети неколку милијарди долари за проектот „Старгејт“ (Stargate) – заедничко претпријатие со седиште во Абилин, Тексас, каде што учествуваат и „Опен еј-ај“, „Оркл“ (Oracle) и МГХ (MGX).
Претставниците на „Опен еј-ај“, МЦ и ФФ не сакаа да го коментираат кругот на финансирање. ЦМ и АЦМ не одговорија на барањата за коментар. Кругот на финансирање го потврдува силното воодушевување на инвеститорите од компанијата, која расте со извонредна брзина – паралелно со глобалното забрзано прифаќање на вештачката интелигенција.
„Опен еј-ај“ очекува дека годинава тројно ќе ги зголеми приходите, на 12,7 милијарди долари, главно поради растот на приходите од платен софтвер за вештачка интелигенција, извести претходно „Блумберг њуз“ (Bloomberg News). Компанијата од Сан Франциско минатата година оствари приходи од 3,7 милијарди долари, вели извор запознаен со прашањето. „Опен еј-ај“ очекува дека продажбата ќе се забрза и следната година, кога приходите треба да надминат 29,4 милијарди долари, додава истиот извор, кој сакаше да остане анонимен поради откривање внатрешни информации.
Сепак, компанијата се соочува со големи трошоци поврзани со развојот на врвна вештачка интелигенција – од чипови и дата-центри до врвни кадри. Според изворот, „Опен еј-ај“ не очекува позитивен паричен тек до 2029 година, кога приходите треба да надминат 125 милијарди долари.
.webp){kind=icon}
